हतियार मर्मत गर्ने पसलबाट मर्मतमा प्रयाेग हुने ‘अवैध’ सामान बरामद

चैत १५, २०७५ शुक्रबार १४:२४:२८ | गोविन्द शर्मा

बाँके - प्रहरीले नेपालगञ्जको डिएसपीरोडमा रहेको हतियार मर्मत गर्ने एउटा पसलमा छापा मारेर हतियार बनाउन प्रयोग हुने सामानहरु बरामद गरेको छ ।

नेपाल प्रहरीको प्रदेश नम्बर ५ अनुसन्धान समूह र वडा प्रहरी कार्यालय नेपालगञ्जको टोलीले शुक्रबार नेपालगञ्ज-५, डिएसपीरोडका ६० वर्षीय जङ्गवीर नेपालीले सञ्चालन गरिरहेको हतियार मर्मत गर्ने पसलमा छापा मारेको हो ।

हतियार मर्मतको अनुमति लिएको भए पनि नेपालीको हतियार मर्मत गर्ने तरिका र भण्डारण वैध नदेखिएका कारण हतियार निर्माणका सामानसहित उनलाई पक्राउ गरिएको वडा प्रहरी कार्यालय नेपालगञ्जका प्रहरी निरीक्षक नारायण डांगीले जानकारी दिनुभयो ।

प्रहरीले जंगबहादुरको साथबाट हतियारमा प्रयोग हुने लामो नाल १० थान, काठको कुन्दा एक थान नयाँ सहित ७ थान, हतियारमा नम्बर राख्न प्रयोग हुने साँचो २६ थान, सानो एयर गन पेस्तोल १ थान, लामो स्प्रिंग ३ थान, हतियार बनाउन प्रयोग हुने बाकस, आरन लगायतका सामाग्री बरामद गरेको छ ।

यसैगरी हतियारमा प्रयोग हुने साँचाे समेत बरामद भएको छ । जंगवीरले पुस्तैनीदेखि नै हतियार मर्मतको कार्य गर्दै आएको पाइएको पनि प्रहरीले जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्