बाराका डिभिजन वन प्रमुखसहित ३ कर्मचारी पक्राउ

 चैत १५, २०७५ शुक्रबार १७:४:१५ | जयनारायण यादव

बारा – अख्तियार दुरुपयोग अनुसन्धान आयोगको हेटाैँडा कार्यालयले डिभिजन वन कार्यालय बाराका प्रमुखसहित तीन जना कर्मचारीलाई घुस रकमसहित शुक्रबार दिउँसो पक्राउ गरेको  छ ।

हेटौडास्थित आयोगको कार्यालयबाट खटिएको प्रहरी नायब उपरीक्षक केशव भट्टराई नेतृत्वको टोलीले डिभिजन वन कार्यालयका प्रमुख शिवशंकर ठाकुर, सहायक वन अधिकृत गौरीशंकर केशरी र कार्यालय सहयोगी रामचन्द्र अधिकारीलाई एक लाख १५ हजार  रुपैयाँ घुससहित पक्राउ गरेको हो ।  

पक्राउ परेकामध्ये सहायक वन अधिकृत केशरीको साथबाट नगद २५ हजार र प्रमुख ठाकुरलाई बुझाउने क्रममा कार्यालय सहयोगी अधिकारीको साथबाट ९० हजार रुपैया“ नगदसहित पक्राउ गरिएको आयोगले जनाएको छ ।

पक्राउ परेका तीनै जना कर्मचारीलाई नियन्त्रणमा लिएर थप अनुसन्धानका लागि आयोगको टंगालस्थित कार्यालयमा पठाउने हेटौडास्थित आयोगका प्रमुख हुमकला पाण्डेले जानकारी दिनुभयो ।

वन कार्यालयले आह्वान गरेको कबाडी ठेक्काको टेन्डर स्वीकृति गर्न डिभिजन वन कार्यालय प्रमुखसहित तीनै जना कर्मचारी ठेकेदारसँग घुस रकम लिएको आयोगले जनाएको छ ।

निगरानी बढाइएको अवस्थामा ठेक्कालाई स्वीकृति गर्न प्रमुख ठाकुर र सहायक वन अधिकृत केशरीले कार्यालय सहयोगी अधिकारीमार्फत घुस रकम लिएको अवस्थामा पक्राउ गर्न सकिएको पाण्डेले बताउनुभयो ।

अन्तिम अपडेट: मंसिर ३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयनारायण यादव

जयनारायण यादव बाराका उज्यालो सहकर्मी हुन् ।

तपाईको प्रतिक्रिया

समाचार

लोकप्रिय

१

गुल्मीको धुर्काेटमा एउटै परिवारले चार सय मुरी धान फलायो

२

जहाजमा उड्ने पैसा नहुँदा विश्वकप क्रिकेट खेल्न नेत्रहीन टोली रेलबाटै पाकिस्तान प्रस्थान

३

रुस–युक्रेन युद्ध झनै खराब अवस्थामा, रुसले आणविक हतियार प्रयोग गर्ने चिन्ता बढ्यो

४

अर्जेन्टिना विश्वकपका लागि छनोट : चीनलाई हराउँदै जापान छनोट नजिक

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई