८औँ राष्ट्रिय खेलकुद प्रतियोगिताको उद्घाटन वैशाखमा, खेल भने चैतमै !

चैत १५, २०७५ शुक्रबार १९:३१:३७ | गोविन्द शर्मा

बाँके – ८ औँ राष्ट्रिय खेलकुद प्रतियोगिताको नयाँ मिति सार्वजनिक भएको छ ।

राष्ट्रिय खेलकुद परिषदको शुक्रबार बसेको बोर्ड बैठकले प्रतियोगिताको उद्घाटन २०७६ साल वैशाख ५ गते र समापन वैशाख ११ गते गर्ने निर्णय गरेको मध्यपश्चिम क्षेत्रीय खेलकुद विकास समिति प्रदेश ५ का अध्यक्ष भीम वलीले जानकारी दिनुभयो ।

युवा तथा खेलकुद मन्त्री जगतबहादुर विश्वकर्माको अध्यक्षतामा बसेको बैठकले राष्ट्रिय खेलकुद प्रतियोगिताको भौतिक पूर्वाधार निर्माणको अवस्थाबारे जानकारी गराएको थियो । प्रतियोगिताको उद्घाटन २०७६ सालमा हुने भए पनि केही खेलहरु भने २०७५ सालको चैत २४ देखि सुरु हुने भएका छन् ।

चैत २४ देखि प्याराग्लाइडिङ्ग, गल्फ, स्क्वाशलगायतका खेलहरु सुरु हुने भएका छन् ।

राष्ट्रिय खेलकुद प्रतियोगिता २०७५ सालमै सुरु हुने भएकाले यसअघि ‘८औँ राष्ट्रिय खेलकुद प्रतियोथिता–२०७५’ लेखेर निर्माण गरिएको प्रचार सामग्री, ट्रयाक, मेडललगायतका सामग्री प्रयोगमा आउने र त्यसले गर्दा खर्च नबढ्ने क्षेत्रीय अध्यक्ष वलीले बताउनुभयो ।

यसअघि मंसिर र माघमा प्रतियोगिताको मिति तोकिएको थियो । नेपालगञ्ज रङ्गशालामा हाल भीआईपी प्याराफिट र पौडी पोखरी निर्माण कार्य जारी छ ।

कुन खेल कहाँ ?

बाँकेमा हुने खेलहरु

उद्घाटन/समापन
फुटबल (पुरुष)
क्रिकेट (पुरुष)
बक्सिङ
भारोत्तोलन
भलिबल (महिला/पुरुष)
टेब टेनिस
उसु
जुडो
ह्याण्डबल (महिला/पुरुष)
फूलकन्ट्याक्ट कराते
हकी (महिला/पुरुष)
सुटिङ
जिम्न्यास्टिक
साइक्लिङ
आर्चरी
फेन्सिङ
पौडी
ट्रायथलन

दाङमा हुने खेलहरु

फुटबल (महिला)
एथ्लेटिक्स
कराते
ब्याडमिन्टन
बास्केटबल (महिला/पुरुष)
आईटीएफ तेक्वान्दो
क्रिकेट (महिला)

रुपन्देहीमा हुने खेलहरु

तेक्वान्दो
लन टेनिस
सफ्ट टेनिस
शारीरिक सुगठन

बर्दियामा हुने खेलहरु

कबड्डी (महिला/पुरुष)
बुद्धिचाल
सेपाकताक्रो
खो–खो

कपिलवस्तुमा हुने खेलहरु

कुस्ती

कास्कीमा हुने खेलहरु

प्याराग्लाइडिङ

काठमाण्डाैमा हुने खेलहरु

गल्फ
स्क्वास (महिला/पुरुष)

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्