तीन तहका सरकार तीनतिर फर्किए : मुख्यमन्त्री पौडेल

चैत १९, २०७५ मंगलबार १८:२३:५९ | हरि हुमागाईं

मकवानपुर – प्रदेश नम्बर तीनका मुख्यमन्त्री डोरमणि पौडेलले समन्वयको अभावमा तीन तहका सरकार तीनतिर फर्किएको आरोप लगाउनु भएको छ । तीनै तहका सरकारका बीचमा सहकार्य र समन्वयबिना विकास सम्भव नभएको उहाँले बताउनुभयो । समन्वय नभएमा समृद्ध देश बन्नै नसक्ने उहाँको तर्क छ ।

नेपाल नगरपालिका संघ तथा गाउँपालिका राष्ट्रिय महासंघ प्रदेश ३ को आयोजनामा ‘संघ, प्रदेश र सथानीय सरकार समन्वय र सहकार्य’ विषयक अन्तरसम्वाद कार्यक्रमको उद्घाटन गर्दै उहाँले सहकार्य अति आवश्यक भएको बताउनुभयो । समन्वय र सहकार्यबाट मात्र तीन तहका सरकार मिलेर मात्र ‘समृद्ध नेपाल, सुखी नेपाली’को नारालाई सार्थकता दिन सकिने पौडेलले बताउनुभयो ।

अब विकासलाई उत्पादन र रोजगारीसँग जोड्नुपर्ने बताउँदे मुख्यमन्त्री पौडेलले भन्नुभयो, ‘विकास भनेको समृद्धिउन्मुख र रोजगारीमूलक हुनुपर्छ ।’ सबैका आ–आफ्नै समस्याहरु भएकाले समस्याका बीचमा रहेर राम्रो काम गरिनुपर्ने उहाँले बताउनुभयो । अहिले पनि कर्मचारी अभावका कारण गाउँमा धेरे समस्या भएको बताउँदे उहाँले प्रदेश सरकारले सबै मापदण्ड पूरा गरेर कर्मचारी गाउँमा पठाउन डेढ वर्ष लाग्ने मुख्यमन्त्री पौडेलले बताउनुभयो ।

सरकारमा बसेर अरुलाई गुनासो गर्नेभन्दा काम गर्नुपर्ने उहाँले बताउनुभयो । स्थानीय सरकार कमजोर बनाउने भूमिकामा आफू नरहेको बताउँदै मुख्यमन्त्री पौडेलले भन्नुभयो, ‘स्थानीय सरकार बलियो बनाउनुपर्छ भनेर मेरो सिङ्गो जिन्दगी बिताएँ । म स्थानीय सरकारलाई कमजोर हैन, बलियो बनाउँछु ।’

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्