हावाहुरी प्रभावित क्षेत्रमा शौचालयकाे समस्या, स्थानीय भन्छन् : खान त पानी छैन, शौच कसरी जानु ?

चैत २०, २०७५ बुधबार १९:४९:३३ | जयनारायण यादव

बारा – बाराका हावाहुरी प्रभावित क्षेत्रका बासिन्दाहरुलाई शौच गर्न समस्या भएको छ ।

आइतबार साँझ आएको विनाशकारी हावाहुरीले घरसँगै रहेको शौचालयसमेत भत्काएका कारण शौच गर्न आफूहरुलाई समस्या भएको उनीहरुले बताएका छन् ।

फेटा गाउँपालिकाको पुरैनिया र भलुही भरवलिया, कलैया उपमहानगरपालिकाको मनगढवा, सुवर्ण गाउँपालिकाको हर्दिया परशुरामपुर, महागढीमाई नगरपालिकाको तेलगाई, परवानीपुर गाउँपालिकाको चैनपुरलगायतका हावाहुरी प्रभावित क्षेत्रका बासिन्दाहरुलाई दिसापिसाब गर्न समस्या भएको छ ।

उनीहरु दिउँसो दिसापिसाब लाग्ने डरले खाना र पानीसमेत थोरै खाने गरेका छन् । ‘दिउँसोभरि उज्यालो हुन्छ’, फटा गाउँपालिका–१, की ५० वर्षीयन कौशिला देवी कुर्मीले भन्नुभयो, ‘चारैतिर मानिसहरु खचाखच हुन्छन् । दिसा गर्न कतातिर जानु ?’

फेटा–६, पुरैनियाका ३५ वर्षीया शायला खातुनले रात परेपछि अँध्यारोान र दिसापिसाब गर्न जाँदा सर्प र किराले टोक्छ कि भन्ने डर लाग्ने बताउनुभयो । दिउँसो शौच गर्न जाँदा चारैतिर मान्छे हुने हुँदा एकदमै गाह्रो हुने गरेको पीडा सुनाउनु भयो ।

शौचालयको समस्या त छँदैछ, त्यसमाथि पानीको समस्याले धेरैलाई पिरोलेको छ । पानीको ठूलो समस्या रहेको भन्दै पुरैनियाकी ५५ वर्षीया खेरुनेसाले पीडा पोख्नुभयो, ‘खानका लागि त पानी छैन, दिसा धुन कहाँबाट ल्याउनु ?’

४० वर्षीया सालमा खातुनले दिसापिसाब गर्न कि त छिमेकीको घर कि त खुल्ला बारीको भर पर्नु परेको पीडा सुनाउनुभयो । उहाँले चाँडो अस्थायी शौचालय भए पनि व्यवस्था गर्न सरकारसँग माग गर्नुभयो ।

समस्या पुरैनियाको मात्रै होइन, हावाहुरी प्रभावित सबै क्षेत्रका बासिन्दाहरुलाई अहिले दिसापिसाब कहाँ गर्ने भन्ने चिन्ताले सताएको छ ।

शौचालयको अभावले बस्ती नै गन्हाउन थालेको कलैया उपमहानगरपालिका–१८ की ममता मलीले बताउनुभयो । पुरैनियाकी सकिला खातुन ओत लाग्न सुरक्षाकर्मीले टेन्टको व्यवस्था गरेको बताउँदै दिसापिसाब गर्ने ठाउँ नभएर रोकेर बस्नुपर्ने बाध्यता रहेको सुनाउनु भयो ।

हावाहुरी प्रभावित क्षेत्रमा ओत लाग्न र खानलाई खासै समस्या नभए पनि शौचालयको भने विकराल समस्या रहेको छ । बेलैमा शौचालयको प्रबन्ध नमिलाए महामारीको प्रकोप फैलने डर पनि त्यत्तिकै रहेको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयनारायण यादव

जयनारायण यादव बाराका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्