‘काम नगरी आफूभन्दा अग्लो फाइलको चाङ थुपार्ने’ सचिवको कार्यकक्षमा मन्त्रीको ताला !

चैत २७, २०७५ बुधबार १६:३३:५६ | हरि हुमागाईं

मकवानपुर – आफ्नो मन्त्रालयका सचिवले काम नगरेको भन्दै प्रदेश–३ का सामाजिक विकास मन्त्री युवराज दुलाललेसचिव लोकनाथ पौडेलको कार्यकक्षमा तालाबन्दी गरिदिनुभएको छ ।

यसअघि लिखित स्पष्टिकरण सोधेपनि काम अगाडि नबढाएपछि सचिवको कार्यकक्षमा तालाबन्दी गरिदिएको सामाजिक विकास मन्त्री दुलालले बताउनुभयो ।

मन्त्री दुलाल

मन्त्रालयमा हाजिर भएदेखि सचिवले कुनै फाइलमा निर्णय नगर्ने, मन्त्रालयका आफ्ना मातहतका कर्मचारीलाई हप्कीदप्की गरी अमर्यादित व्यवहार देखाएको मन्त्री दुलालले बताउनुभयो । सचिवको व्यवहारले सबै कर्मचारी निरुत्साहित भई काममा आउने वातावरण नभएकाले कर्मचारी र मन्त्रालयको हितका लागि सचिवको कार्यकक्षमा ताला लगाइएको मन्त्री दुलालले बताउनुभयो ।

सचिव पौडेल आएपछि कुनै पनि काम अगाडि नबढेको कर्मचारीहरुले पनि गुनासो गरेका छन् । सचिवले काम सम्पादन नगरेकोले, पुरानो मितिमा कुनै फाइल सदर गर्न नपाउन् भन्ने उद्देश्यले सचिवको कार्यकक्षमा ताला लगाइएको मन्त्री दुलालले बताउनुभयो ।

सचिव पौडेल भने हेटौंडाबाट काठमाण्डौ गएका छन् ।

सचिवले काम नगरी फाइलहरु सबै पेन्डिङमा राखेर आफूभन्दा अग्लो बनाएकाले तालाबन्दी गर्नुपरेको मन्त्री दुलालको भनाइ छ ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्