अपेक्षाभन्दा बढी सफलता पाएका छौँ: मुख्यमन्त्री पोखरेल

वैशाख १, २०७६ आइतबार १४:५१:५३ | देव पचभैया

पाल्पा - प्रदेश ५ का मुख्यमन्त्री ईश्वर पोखरेलले गएका ३ वर्षमा काम गर्ने अवस्था नरहे पनि नयाँ वर्षको सुरुवातसँगै विकास निर्माणका कामले फड्को मार्ने बताउनुभएको छ ।

आयात र निर्यातमा असन्तुलन भएको जस्तो देखिएको भन्दै मुख्यमन्त्री पोखरेलले मेशिनरी र निर्माणजन्य सामग्रीहरुको आयात बढी भएको भए पनि ती चिजले गरेको विकास देखिन बाँकी रहेको बताउनुभयो ।

प्रदेश सांसद डा.पुरनमान बज्रचार्यले पाल्पाको तानसेनमा आइतबार आयोजना गरेको नयाँ वर्षको शुभकामना आदानप्रदान कार्यक्रममा मुख्यमन्त्री पोखरेलले सकारात्मक सोच विना विकास र समृद्धि सम्भव नरहेको बताउनुभयो ।

मुख्यमन्त्री पोखरेल राम्राभन्दा नराम्रा पक्षलाई वकालत गर्ने प्रवृत्ति बढेको भन्दै त्यसको अन्त्यका लागि सबैको साथ र समर्थन आवश्यक रहेको र अपेक्षा गरेभन्दा बढी सफलता पाएको पनि दावी गर्नुभयो ।

५ नम्बर प्रदेशलाई तिहासिक पर्यटकीय गन्तव्यको रुपमा प्रबर्द्धन गर्न प्रदेश सरकारले गुरुयोजना बनाएरै अघि बढेको उहाँको भनाइ थियो । कार्यक्रममा प्रदेश सभामुख पुर्ण बहादुर घर्तीले प्रदेशको विकासलाई अघि बढाउन कानुन निर्माण र योजना तर्जुमाको काम अन्तिम चरणमा पुगेको बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्