पलाँताका सबै घरधुरीमा बिजुली पुर्‍याइने

वैशाख २, २०७६ सोमबार ८:४७:४९ | मनिराज पाण्डे

कालिकोट - पलाँता गाउँपालिकाले यसै वर्ष पलाँताका सबै घरधुरीमा विद्युत सेवा पुर्‍याउने भएकोे छ ।

वैकल्पिक उर्जा प्रवर्द्धन केन्द्रको ६० प्रतिशत र गाउँपालिकाको ४० प्रतिशत लगानीमा पालिकाले विद्युत सेवा पलाँताका सबै घरधुरीमा पुर्‍याउने भएको हो ।

पालिकाले पलाँता उज्यालो कार्यक्रम अन्तर्गत ५ वटा विद्युत आयोजना सञ्चालनमा ल्याएको पलाँता गाउँपालिका अध्यक्ष लक्ष्मणबहादुर बम पलातीकान्छाले बताउनुभयाे । विद्युत सेवा बिस्तारका लागि गाउँपालिकाले पलाँता विकास निर्माण कार्यदल परिचालन गरेको छ ।

‘हामीले यसै वर्ष विद्युत घर–घरमा पुर्‍याउँछाैँ भनेका थियाैँ, सोही अनुसार विद्युतमा मात्र हामीले ८० जनाकाे विकास निर्माण कार्यदल प्रयोग गरेका छौं,’ पालिका अध्यक्ष लक्ष्मणबहादुर बमले जानकारी दिनुभयाे ।

गाउँपालिकाले पालिका स्तरमा छुट्टै उर्जा शाखा स्थापना गरी मर्मत सम्भार कोषको व्यवस्थापन गर्ने गाउँपालिकाका निमित्त प्रमुख प्रशासकीय अधिकृत राजबहादुर बमले बताउनुभयाे । उपभोक्ता समितिको अगुवाइमा कार्य सञ्चालन गर्ने गरी विद्युत सेवा बिस्तारका लागि स्थानीय जनराज बम, कर्मसिह बुढा र कलबहादुर बमलाइ जिम्मेवारी दिइएको छ ।

गाउँपालिकाले पलाँता समृद्धिका लागि ५ महत्वपूर्ण कार्यको थालनी गरेका छ । घर–घरमा शुद्ध खानेपानी, सबै वडामा सडक, एक टोल एक बगैचा, प्रत्येक वडामा सामुदायिक स्वाथ्य इकाइ र सबैघरमा उज्यालो ।

‘सबै कार्यहरु ५ वर्षभित्र पूरा हुन्छन्, हामीले त्यही स्पिरिटमा काम गरिरहेका छौँ, हामीलाइ प्रदेश सरकारको समेत महत्वपूर्ण सहयोग छ,’ पालिका अध्यक्ष बमले भन्नुभयाे ।

दुर्सिखोला लघु जलबिद्युत आयोजना

पलाँताको सबैभन्दा ठूलाे दुर्सिखोला लघु जलविद्युत आयोजना हो । १०० किलोवाट क्षमताको यो आयोजना पलाँता १,२,३, र ८ नं. वडामा विस्तार भइहरेको छ ।

दाम्रीगाड लघु जलविद्युत आयोजना

यो आयोजना २१ किलोवाट क्षमताको आयोजना हो । यस आयोजनाबाट वडा नं. ९ का सबै घरधुरीमा बिद्युत सेवा बिस्तार भएको छ ।

औलाखोला लघु जलविद्युत आयोजना

औलाखोला लघु जलविद्युत आयोजना ७० किलोवाट क्षमताको आयोजना हो । यस आयोजनाबाट पलाँता ४,५ र ६ वडाका सबै घरधुरीमा विद्युत सेवा विस्तार भएको छ । आयोजनाको क्षमता ७० किलोवाट भए पनि खपत ३० किलोवाट मात्र भएको वडा नं. ४ का अध्यक्ष ऐनराज महताराले जानकारी दिनुभयाे ।

घुचिखोला लघु जलविद्युत

घुचिखोला लघु जलविद्युत आयोजना ३५ किलोवाट क्षमताको आयोजना हो । यस आयोजनाबाट पलाँता ७ का दुर्सि, दैनिकर र फागोटी बस्तीमा १५ किलोवाट बत्ती खपत भएको छ । बाँकी २० किलोवाट पनि वडा नं. ७ का अन्य बस्तीमा खपत हुने वडाध्यक्ष ब्रजबहादुर बमले बताउनुभयाे ।

तलसेरी मेट्रोहाइडो

तलसेरी मेट्रोहाइटो ४ किलोवाट क्षमताको आयोजना हो । यस आयोजनाबाट लेकतिर फलफुल खेती गरिहरेका २ सय मौसमी बस्तीहरुले बत्ती बाल्नेछन् । बर्षाको समयमा यहाँका किसानहरु स्याउ, आरु, नास्पती, आलु, सिमी लगायतका बालीहरु कुर्न लेकतिर बसाइ सार्ने गर्दछन् ।

यसै वर्षको असाढ मसान्तसम्म पलाँताका २७ सय घरधुरीमा विद्युत सेवा पुग्नेगरी कार्य थालनी गरिएको पलाँता गाउँपालिका प्रवक्ता मानबहादुर भण्डारीले बताउनुभयाे ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्