विप्लवको बन्द छल्दै प्रचण्ड सुकुटेमा

वैशाख ५, २०७६ बिहीबार १९:६:१६ | किरण थापा

सिन्धुपाल्चोक – बिहीबार दिनभरजसो नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले आयोजना गरेको बन्दले सबैजसो राजमार्गमा सवारी साधनको चाप कम थियो ।

राजधानीबाट ७६ किलोमिटर टाढा सुनकोशी नदीको किनारमा रहेको सुकुटे बिच रिसोर्टमा नेकपा अध्यक्ष तथा पूर्व प्रधानमन्त्री पुष्पकमल दाहाल परिवारसहित पुग्नु भएको छ । आरामका लागि दाहाल परिवार सुकुटे आइपुगेको बताइएको छ ।

नेत्रविक्रम चन्द नेतृत्वको नेकपाले गरेको नेपाल बन्दका बीच पत्नी सीतासहित प्रचण्ड ‘सुकुटे इक्वेडर बिच’ रिसोर्टमा आउनु भएको हो । दिउँसो करिब ३ बजेतिर अरनिको राजमार्ग हुँदै उहाँ सिन्धुपाल्चोक पुग्नुभएको हो । नेकपा अध्यक्ष दाहालले रिसोर्टमै रात बिताउने परिवार श्रोतले बताएको छ । प्रचण्डको साथमा सिन्धुपाल्चोक गृहजिल्ला भएका पार्टी स्थायी समिति सदस्य अग्नि सापकोटा पनिरहनुभएको छ ।

एकान्त रुचाउने दाहाल शान्त वातावरण खोज्दै सुकुटेको रिसोर्टमा यसभन्दा अघि पनि पटक–पटक आउने गर्नुहुन्छ । सात वर्षदेखि निरन्तर वर्षको एक–दुई पटक प्रचण्ड सुकुटे रिसोर्टमा आउनुभएको छ ।

दुई दल एकता भएपछि शक्तिशाली कम्युनिस्ट पार्टीको अध्यक्ष बनेका दाहालको यसअघिका यस्ता भ्रमणले राजनीतिमा कुनै न कुनै अर्थ समेत राख्दै आएका थिए । निकै व्यस्त राजनीतिक दैनिकीबाट थकित प्रचण्ड पार्टी एकता प्रक्रिया नटुंगिदा केही तनावमा पनि हुनुहुन्छ ।

गाउँदेखि केन्द्रसम्मका नेताले एकता प्रक्रिया टुंगिन बिलम्ब हुँदा काम नपाएको भन्दै गुनासो गरिरहेका छन् । अध्यक्ष दाहालले शान्त र आराम खोजेकाले नेता, कार्यकर्तासँग भेटघाट कार्यक्रम समेत नराखिएको उहाँको सचिवालय स्रोतले बताएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्