कांग्रेसका नेताहरु राजतन्त्र फर्काउने सपना देखेर हिँडेको देख्दा अचम्म लाग्छ : अध्यक्ष ओली

वैशाख ९, २०७६ सोमबार १४:५९:१ | उज्यालो सहकर्मी

काठमाण्डौ – नेपाल कम्युनिष्ट पार्टी(नेकपा) का अध्यक्ष तथा प्रधानमन्त्री केपी शर्मा ओलीले आफूहरुले जित हात पारेको बताउनु भएको छ ।

आफूहरुले धेरै पहिले ‘हामी जित्नेछौँ’ भनेर गीत गाएको स्मरण गर्दै अध्यक्ष ओलीले लामो समयको संघर्ष र आन्दोलनपश्चात नेपाली नागरिकको जित भएको बताउनुभयो ।

नेपाल कम्युनिष्ट पार्टीको ७०औँ स्थापना दिवसका अवसरमा काठमाण्डौमा आयोजित एक कार्यक्रममा अध्यक्ष ओलीले ठूलो कष्ट, बाधा र व्यवधान व्यहोर्दै नागरिकले जित्ने समय आएको बताउनुभयो ।

नेपाली कम्युनिष्ट आन्दोलनको सुरुवातमा पुष्पलाल श्रेष्ठका विचारलाई पनि स्वार्थको राजनीतिले हेरेकाले कम्युनिष्ट आन्दोलन कमजोर हुन पुगेको ओलीले बताउनुभयो । त्यसपछि मदन भण्डारीको अगुवाइमा नेपाली कम्युनिष्ट आन्दोलनलाई एउटा गन्तव्यमा पुर्याएको ओलीले बताउनुभयो ।

तत्कालीन नेकपा एमाले र तत्कालीन नेकपा माओवादी केन्द्रको एकतापछि नेपाली कम्युनिष्ट आन्दोलन एउटा उचाइमा पुगेको बताउँदै आफूहरु ‘जनताको जनवाद’ तर्फ अगाडि बढेको ओलीले बताउनुभयो ।

सम्झाउँदा, बाध्य पार्दा नेपाली कांगेस एकाध पल्ट मात्रै परिवर्तनको बाटोमा अगाडि आएको अध्यक्ष ओलीले बताउनुभयो । नेपाली कांग्रेसले धेरै पटक प्रतिक्रियावादी शक्तिहरुसँग घाँटी जोडेको ओलीले बताउनुभयो ।

कांग्रेसका धेरै नेताहरु राजतन्त्र फर्काउने सपना देखेर अगाडि हिँडेको देख्दा आफूलाई अचम्म लागेको नेकपा अध्यक्ष ओलीले बताउनुभयो । यदि कांग्रेस लोकतान्त्रिक शक्ति हो भने लोकतान्त्रिक र प्रगतिशील शक्तिसँग एकता गर्नुपर्ने ओलीले बताउनुभयो ।

साथै उहाँले देशमा पृथकतावादी आन्दोलन गरेकालाई मूलधारको राजनीतिमा ल्याएको बताउनुभयो । पृथकतावाद समाप्त हुनु देशका लागि खुशीको कुरा भएको बताउनुभयो । केही मान्छे भने पृथकतावादी आन्दोलन सकिएकाले केमा खेल्ने भनेर चिन्ता गरिरहेको आरोप लगाउनुभयो ।

अन्तिम अपडेट: फागुन १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्