प्रधानमन्त्री ओलीको प्रश्न : आजै फुट्छ, भोलि नै फुट्छ भन्ने ज्योतिषिले एमाले र माओवादी मिल्छ किन भनेन ?

वैशाख ९, २०७६ सोमबार १५:१६:९ | उज्यालो सहकर्मी

काठमाण्डौ – प्रधानमन्त्री तथा नेपाल कम्युनिष्ट पार्टी(नेकपा) का अध्यक्ष केपी शर्मा ओलीले आफ्ना पालामा केही कमी कमजोरी भए पनि देश विकासमा सरकार लागेको बताउनुभयो ।

उहाँले मेलम्चीको ठेकेदार भागे पनि मेलम्चीको पानी छिट्टै नै काठमाण्डौ आउने प्रधानमन्त्री ओलीले बताउनुभयो । प्रधानमन्त्री ओलीले नेकपा नेतृत्वकाे सरकार सबै काम गर्न सक्षम रहेकाे पनि दाबी गर्नुभयाे ।

नेपाल कम्युनिष्ट पार्टीको ७०औँ स्थापना दिवसका अवसरमा काठमाण्डौमा आयोजित एक कार्यक्रममा ओलीले बोलीमा केही तलमाथि भए पनि भवितव्यले दुई पार्टी एक नभएको स्पष्ट पार्नुभयो । कतिपयले नेकपा आजै फुट्यो, भोलि नै फुट्छ भनेर हल्ला फैलाए पनि फुट्ने गरी पार्टी एकता नभएको बताउनुभयो । ‘यो महिना टुक्रिन्छ, त्यो महिना टुक्रिन्छ भनेर अहिले त ज्योतिषिले पनि भन्न थालेका छन् । एमाले र माओवादी मिल्छ भनेर ज्योतिषिले कहिल्यै भन्यो । त्यो पनि त भन्नुपर्यो नि ज्योतिषिले ।’

प्रधानमन्त्री ओलीले पार्टी एकतामा प्रचण्डकाे भूमिका निकै नै उल्लेख्य रहेकाे बताउनुभयाे । प्रचण्डको 'बाेल्ड' निर्णयले नै दुई पार्टी एक ठाउँमा आइपुगेकाे बताउनुभयाे ।

त्यस्तै कांग्रेसका धेरै नेताहरु राजतन्त्र फर्काउने सपना देखेर अगाडि हिँडेको देख्दा आफूलाई अचम्म लागेको नेकपा अध्यक्ष ओलीले बताउनुभयो । यदि कांग्रेस लोकतान्त्रिक शक्ति हो भने लोकतान्त्रिक र प्रगतिशील शक्तिसँग एकता गर्नुपर्ने ओलीले बताउनुभयो ।

साथै उहाँले देशमा पृथकतावादी आन्दोलन गरेकालाई मूलधारको राजनीतिमा ल्याएको बताउनुभयो । पृथकतावाद समाप्त हुनु देशका लागि खुशीको कुरा भएको बताउनुभयो । केही मान्छे भने पृथकतावादी आन्दोलन सकिएकाले केमा खेल्ने भनेर चिन्ता गरिरहेको आरोप लगाउनुभयो ।

अन्तिम अपडेट: फागुन १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्