देवकोटादेखि पास्तरनाकसम्मले अनुवाद गरेका शेक्सपियर !

वैशाख १०, २०७६ मंगलबार २०:१५:२५ | एजेन्सी

विश्वमा सबैभन्दा बढी अनूदित हुने पुस्तक बाइबल र शेक्सपियरका कृति हुन् भनिन्छ । समालोचक ह्यारोल्ड ब्लूमले आफ्नो पुस्तकमा पश्चिमी जगतको मानवीय अवधारणा र संरचना शेक्सपियरबाटै प्रेरित भएको बताएका छन् ।

शेक्सपियरका कृतिको अनुवाद धेरै भाषाका कविहरुले गरेका छन् । नेपाली भाषाका महाकवि लक्ष्मीप्रसाद देवकोटाले पनि शेक्सपियरको चर्चित नाटक ‘म्याकबेथ’ नेपालीमा अनुवाद गरेका थिए । रुसी साहित्यकार बोरिस पास्तरनाकदेखि फ्रान्सेली साहित्यकार ईव बोनफुआसम्मले शेक्सपियरका कृति अनुवाद गरेका छन् ।

सोभियत व्यवस्थामा जब पास्तरनाक सत्ताको कोपभाजनको शिकारमा परे, उनले शेक्सपियरकै कृति अनुवाद गरेर जीवनयापन गरेको बताइन्छ । पोलिश आलोचक आयन काटले शेक्सपियरका ऐतिहासिक नाटकमा तानाशाही शासकका चरित्र पर्दाफास गर्ने खालको राजनैतिक हस्तक्षेप पाउन सकिने बताउँछन् । अत्याचार, दूराचार, अकाराण हत्या हिंसा, प्रेम ईर्ष्या, द्वेष, मानवीय सम्बन्धका अन्तरविरोध तथा विडम्बना, मानवीय नियति र दुःखान्त शेक्सपियरका कृतिका विशेषता हुन् । शेक्सपियरका रचनालाई पश्चिमको महाभारत पनि भन्ने गरिन्छ ।

शेक्सपियरका कृति अनुवादबारे भन्ने गरिन्छ । यस्ता ठूला कवि तथा नाटककारलाई अनुवाद गर्न न कुनै एउटा विधि छ, न त एक शैली वा एक दृष्टि । उनका कृति संसारभरका हरेकजसो भाषामा भएको छ ।

शेक्सपियरका कम्तीमा पनि ३७ नाटक तथा १५० भन्दा बढी कविता(सोनेट्स) प्रकाशित छन् । रोमियो जुलियट, म्याकबेथ, ह्यामलेट,ओथेलो, किङ लियर, मर्चेन्ट अफ् भेनिस, अ मिडसमर्स नाइट ड्रिम, एज यू लाइक इटलगायतका नाटक विश्वका अधिकांश भाषामा मञ्चनसमेत भएका छन् । शेक्सपियरका कृतिमा थुप्रै चलचित्र पनि बनेको छ ।

शेक्सपियरको जन्म अप्रिल २६, १५६४ मा बेलायतको स्ट्राटफोर्ड अपन एभनमा भएको थियो । उनको निधन अप्रिल २३, १६१६ मा स्ट्राटफोर्ड अपन एभनमै भएको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्