उपभोक्ताको तीव्र गुनासोपछि कुश्मा बजारका औषधि पसलहरुमा अनुगमन

वैशाख ११, २०७६ बुधबार २०:१५:१९ | सन्तोष थापा

पर्वत - उपभोक्ताकाे गुनासो बढेपछि जिल्ला स्तरीय अनुगमन समितिले पर्वतको कुश्मा बजारभित्र सञ्चालन भएका औषधि पसल, मेडिकल तथा नीजि अस्पतालहरुको अनुगमन गरेको छ ।

बुधबार सहायक प्रमुख जिल्ला अधिकारी अमृत सुवेदीको नेतृत्वमा उद्योग व्यवसायी, सञ्चारकर्मी, उपभोक्ता अधिकारकर्मी लगायतको सहभागितामा अनुगमन भएको हो ।

अनुगमनका क्रममा विगतमा भन्दा पर्वत सदरमुकाम कुश्मा बजारभित्रको औषधि व्यवसाय सुधारोन्मुख देखिएको अनुगमन टोलीका सदस्य प्रभात लामिछानेले बताउनुभयो । पर्वतमा नयाँ सञ्चालनमा आएका कुश्मा हस्पिटल प्रालि र शान्तिदीप हस्पिटल प्रालिले नगरपालिकाबाट लिनुपर्ने प्रयोगशाला स्वीकृति नलिएको पाइएको थियो भने अनुगमन गरिएका १५ मेडिकल हल तथा हस्पिटलले अन्य व्यवसायिक कागजातहरु दुरुस्त राखेको पाइएको छ ।

अनुगमनकै क्रममा सुनगाभा फार्मेसीले चिकित्सकको अनुमतिमा नार्कोटेक ग्रुप अन्तरगतका औषधिहरु विक्रि वितरण गर्दै आएको बताएपनि उक्त तथ्याङ्क नराखेको समेत पाइएकाले अनुगमन टोलीले तत्काल रेकर्ड राख्न निर्देशन समेत दिएको छ ।

पर्वतमा सञ्चालित अधिकांश मेडिकल हल तथा फार्मेसीहरुले नार्कोटेक अन्तर्गतका औषधिहरु चिकित्सकहरुको अनुमति अनुसार विक्रि वितरण गर्दै आएका छन् । चिकित्सकको अनुमति विना र रेकर्ड नराखी औषधि बिक्री वितरण गरेको पाइएमा तत्काल कार्बाही गरिने भन्दै सहायक प्रमुख जिल्ला अधिकारी अमृत सुवेदीले कानुन विपरीत औषधि बिक्री वितरण नगर्न निर्देशन दिनुभएको थियो ।

केही औषधि पसलहरुमा औषधिमा तोकिएको मितिको समयावधि सकिनै लागेको भेटिएकाले औषधि व्यवसायीहरुलाई व्यवसायको संवेदशीलतालाई ध्यानमा राखेर बिक्री वितरण गर्न टोलीले निर्देशन समेत दिएको छ । कागजात नपुगेका व्यवसायीहरुलाई सात दिनको समया दिएर उपलब्ध गराउन निर्देशन दिइएको टोलीका संयोजक तथा सहायक प्रमुख जिल्ला अधिकारी अमृत सुवेदीले जानकारी दिनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्