थाहानगरमा फस्टाउँदै आलु खेती

वैशाख १४, २०७६ शनिबार १७:७:१ | हरि हुमागाईं

मकवानपुर - मकवानपुरको थाहा नगरपालिकाको पालुङमा आलु खेती निकै फष्टाएको छ । किसानको मेहनत अनि मौसमले समेत साथ दिएकाले अहिले आलु खेती फष्टाएको हो । अहिले हरेकका बारी र खेतमा आलुका बोट हरियो देख्न सकिन्छ । किसानहरु आलु गोड्ने, औषधि छर्कने लगायतका काममा व्यस्त पनि छन् ।

थाहा नगरका विभिन्न टोल र गाउँका सबै फाँटमा आलु खेतीले पुरै पालुङलाई थप सुन्दर समेत बनाएको छ । थाहा नगरपालिकाका हरेक क्षेत्रमा आलु खेती गरेका किसानहरु यस वर्ष आलु उत्पादनमा वृद्धि हुनेमा आशावादी छन् । अहिले समय समयमा पानी पर्ने, मौसमले पनि साथ दिएकाले आलु उत्पादनमा वृद्धि हुनसक्ने उनिहरुको अनुमान छ ।

बेमौसमी तरकारी उत्पादनका लागि प्रसिद्ध मकवानपुरको पालुङ आलु उत्पादनका लागि पनि उर्वरभूमि मानिन्छ । यस वर्ष समयमै पानी परेपछि पालुङमा आलुको उत्पादन बढ्ने कृर्षि विज्ञहरुको अनुमान छ । थाहा नगरपालिकाको टिस्टुङ–पालुङ र चित्लाङका उर्वर फाँटहरुमा परम्परागत गहुँ लगायत अन्न खेती विस्थापित हुँदैगएको छ ।

यस क्षेत्रमा व्यावसायिक तरकारी खेती भित्रिएपछि आलु र काउलीले गहुँ र अन्य बालीलार्ई विस्थापन गरेको किसानहरु बताउँछन् ।

अरु खेतीको तुलनामा अहिलेको आलु खेती सजिलाे भएको पालुङका किसान श्याम गोपाली बताउनुहुन्छ । पहिले अरु अन्न बालीले जग्गा मात्र ओगट्ने र तरकारी बालीभन्दा धेरै कम आम्दानी हुने भएपछि विगत ५ वर्षदेखि नै अन्न खेतीको तुलनामा तरकारी र आलु खेती गर्न लागिएको बज्रबाराही, कुन्छालका कृषक सानुकाजी गोपाली बताउनुहुन्छ । उहाँ भन्नुहुन्छ, ‘अबको जमानामा बाबुबाजेले जस्तो परम्परागत हिसाबले खेती गरेर समय र मेहनत खेर फाल्नु हुँदैन ।’

जग्गा बाँझो राख्न नहुने मान्यताले गर्दा मात्र किसानहरु, धान मकै लगायतका खेती गर्दै आइरहेका थिए । अहिले बेमौसमी रुपमा पनि आलु, काउली, टमाटर लगायतका तरकारी बालीलाई बढी प्राथमिकता दिइएको किसानहरु बताउँछन् ।

यहाँका किसानले उत्पादित आलु र काउली बेचेर वार्षिक लाखौं रुपैयाँ हात पार्ने गरेका छन् । स्थानीय व्यापारी हाताहातै नगद बोकेर घरघरमै आलु-काउली किन्न आउने भएपछि किसान पनि दंग छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्