सप्तरीबाट अपहरित बालक भारतबाट सकुशल मुक्त

वैशाख १७, २०७६ मंगलबार १९:४५:५५ | शुभनारायण यादव

सप्तरी - सप्तरीको राजगढ गाउँपालिका वडा नम्बर ३ बाट अपहरित एक बालक सकुशल मुक्त भएका छन ।

१२ वर्षीय बालक लक्ष्मण यादवलाई अपहरणकारीले भारतको सितामढीअन्तर्गत सिवहर भन्ने ठाउँमा रहेको होटलमा लगी बेवारिसे छाडेकाे अवस्थामा उद्दार गरिएको जिल्ला प्रहरी कार्यालय सप्तरीले जनाएको छ ।

मामा भोलेन्द्र यादवको बिहेमा जन्ती गएका १२ वर्षीय बालक लक्ष्मण यादव अपहरणमा परेका थियो । सप्तरीको राजगढ गाउँपालिका वडा नम्बर-३, नर्घोका जागेश्वर यादवका १२ वर्षीय छोरा लक्ष्मण यादवको गत शुक्रबार राति त्यस गाउँपालिकामा जन्ती गएको बखत अपहरण भएको थियो । राजविराजस्थित ज्ञान ज्योति बोर्डिङ्ग स्कुलको कक्षा ३ मा अध्ययनरत बालक जन्ती आएको बेला अपहरण भएको थियो ।

स्थानीय ठकन यादवको छोरीको विवाहमा भोज खान गएकोमा त्यही रातिदेखि हराई बेपत्ता भएको हुँदा खोजतलास गरिदिन जिल्ला प्रहरी कार्यालय सप्तरी महिला तथा बालबालिका सेवा केन्द्रमा परिवारले निवेदन दिएको थियाे । अनुसन्धान तथा खोजतलास गर्दै जाँदा भारतबाट अपहरण मुक्त गराउन सफल भएको जिल्ला प्रहरी कार्यालय सप्तरीका एसपी राजेन्द्र विष्टले जानकारी दिनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्