मानसिक स्वास्थ्यको क्षेत्रमा बजेट अपुग भयाे, बढाउनुपर्छ: नेता पाण्डे

जेठ ७, २०७६ मंगलबार १५:२८:४१ | विना न्याैपाने

काठमाण्डाै - पूर्व अर्थमन्त्री एवं सत्तारुढ नेपाल कम्युनिष्ट पार्टीका नेता सुरेन्द्र पाण्डेले मानसिक स्वास्थ्यको क्षेत्रमा बजेट बढाउनुपर्ने बताउनुभएको छ ।

सोमबार ललितपुरमा भएको कार्यक्रममा उहाँले भन्नुभयाे, ‘स्वास्थ्यजस्तो संवेदनशील पाटोमा पाँच प्रतिशत मात्रै बजेट धेरै नै अपुग हुन्छ, यसमा कूल बजेटको १० प्रतिशत छुट्याउनुपर्छ।’

अहिले नेपालमा आधुनिकीकरण, आर्थिक अवस्था तथा सामाजिक कारणले मानसिक समस्या बढेको बताउनुभयो । उहाँले जसलाई तिर्खा लागेको छ, उसैले खोला धाउनु पर्छ भन्दै आउँदा दिनमा आफैँ सचेत बन्न आग्रह गर्नुभयो ।

सर्ने रोगको रोकथाम र उपचारमा पहिला बढी बजेट खर्च हुने गरेकोमा अहिले नसर्ने रोगमा चुनौती बढिरहेको उहाँको भनाइ छ । जगरनट माइन्डसेट नामक संस्थाले सुरु गरेको सबैका लागि मानसिक स्वास्थ्य अभियानअन्तर्गतको पहिलो सार्वजनिक बहसमा पूर्व अर्थमन्त्री पाण्डेले यस्तो भन्नुभएको हो ।

कार्यक्रममा नेपाली टाइम्सका सम्पादक कुन्द दीक्षितले नेपालमा जनसंख्याको अनुपातमा मनोवैज्ञानिक र मनोरोग सम्बन्धी डाक्टर कम रहेको बताउनु भयो ।
कार्यक्रममा बोल्ने सबैले मानसिक समस्या लुकाउन भन्दा अरुलाई बाड्न सुझाव दिएका छन् ।

मानसिक स्वास्थ्य समस्या अभियान सुरु

मानसिक स्वास्थ्य अभियन्ता जगन्नाथ लामिछानेले जगरनट माइन्डसेट स्थापना गर्नु भएको हाे । यसले फेसबुक, यूट्यूब र इन्स्टाग्राम लगायतका सामाजिक सञ्जालमार्फत मानिसक रोगसम्बन्धी संवादमूलक सामग्रीहरू सार्वजनिक गर्दै आएको छ । उहाँले भन्नु भयो, ‘घर–घरमा र समाजमा हुने मानसिक स्वास्थ्यलाई लिएर हुने विभेदपूर्ण व्यवहार र सोचाइ हटाउनु यो अभियानको मुख्य उद्देश्य हो’ ।

सामाजिक सञ्जालबाहेक महिनामा एक पटक सार्वजनिक बहसको कार्यक्रम सञ्चालन गर्ने उद्देश्य याे संस्थाकाे रहेको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विना न्याैपाने

विना न्याैपाने उज्यालाेमा कार्यरत हुनुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्