प्रदेश ३ को नीति तथा कार्यक्रम जेठ १४ गते: प्रदेशको मौलिकता र पहिचान समेटिने

जेठ १०, २०७६ शुक्रबार ९:०:५५ | हरि हुमागाईं

मकवानपुर - प्रदेश नम्बर–३ सरकारले यही जेठ १४ गते सरकारको नीति तथा कार्यक्रम ल्याउने भएको छ ।

नीति तथा कार्यक्रमका लागि सबैजसो तयारी पूरा भएको छ भने केही बाँकी काम भइरहेकाे छ । जेठ १४ गतेको संसद बैठकमा प्रदेश प्रमुख अनुराधा कोइरालाले सरकारको नीति तथा कार्यक्रम प्रस्तुत गर्ने कार्यक्रम तय भएको छ ।

प्रदेश सरकार गठन भएपछि दोस्रो पटक नीति तथा कार्यक्रम ल्याउने तयारी गरिएको हो । पहिलो वर्ष हतारमा नीति तथा कार्यक्रम ल्याएको प्रदेश सरकारले अहिले भने सबै क्षेत्रका कामलाई समेटेर नीति तथा कार्यक्रम ल्याउन लागेको प्रदेश ३ का आर्थिक मामिला तथा योजना मन्त्री कैलाश प्रसाद ढुंगेलले बताउनुभयो ।

यसको तयारीका लागि कर्मचारीहरु निरन्तर काममा खटिएको उहाँले बताउनुभयो । प्रदेशको मौलिकता र छुट्टै पहिचान समेटिने गरी नीति तथा कार्यक्रममा समेटिने मन्त्री ढुंगेलले बताउनुभयो ।

प्रदेशको सांस्कृतिक, भाषिक, सामाजिक क्षेत्रलाई समेटेर नीति तथा कार्यक्रम ल्याइने उहाँको भनाइ छ । प्रदेश ३ का सातवटै मन्त्रालयले आफ्ना प्रस्तुति राखिसकेपछि यही आधारमा नीति तथा कार्यक्रम ल्याउने तयारी छ । नीति तथा कार्यक्रममा मासु, दूध, अण्डामा आत्मनिर्भर बनाउने, पर्यटन भ्रमण वर्ष सफल पार्ने, पूर्वाधार विकासलगायतका काम समेटिने गरी नीति तथा कार्यक्रम तयार हुँदैछ । संघीय सरकारको नारालाई प्रदेश सरकारले साथ दिनेगरी नीति तथा कार्यक्रम ल्याइने पनि उहाँले बताउनुभयो ।

नीति तथा कार्यक्रममा कृषिमा आधुनिकीकरण र यान्त्रिकीकरण गर्ने, कृषिमा स्वरोजगार सृजना गर्ने लगायतका कार्यक्रम नीति तथा कार्यक्रममा समेटिने तयारी रहेको आर्थिक मन्त्रालयले जनाएको छ । यो कार्यक्रमका लागि आर्थिक मामिला मन्त्रालयका सबै महाशाखा कर्मचारीहरु बिहानदेखि बेलुकासम्म काममा खटिएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्