जीप दुर्घटनामा एक जनाकाे ज्यान गयाे, दुई जना घाइते

 जेठ १०, २०७६ शुक्रबार १२:१३:३ | हरि हुमागाईं

मकवानपुर - मकवानपुरको इन्द्रसरोवर गाउँपालिका वडा नम्बर-३ ,सिस्नेरीमा सडक दुर्घटनामा परेर एक जनाको ज्यान गएको छ भने अरु दुई जना घाइते भएका छन् ।

विरगञ्जबाट काठमाण्डौतर्फ जाँदै गरेको बा २० च ४२७९ नम्बरको जीप सडकबाट तल खस्दा एक जनाको मृत्यु भएको हो ।

दुर्घटनामा परी मृत्यु हुुनेमा भारतको मोतिहारी जिल्ला बस्ने ४५ वर्षीय कनैया साह रहेका छन् । उनको घटनास्थलमै मृत्यु भएको जिल्ला प्रहरी कार्यालय मकवानपुरका प्रहरी उपरीक्षक मुकेश कुमकार सिंहले बताउनुभयो ।

दुर्घटनामा भीमफेदी गाउँपालिका वडा नम्बर ५ बस्ने २० वर्षीय महेश भुलन(चालक) र भारतको बेतिया बस्ने २२ वर्षीय कनैयाकुमार साह घाइते भएको उहाँले बताउनुभयो । घाइतेहरुलाई उपचारको लागि बल्खुकाे बयाेधा अस्पतालमा लगिएको छ । लिची बोकेर काठमाण्डौ जान लागेको जीप दुर्घटनामा परेको हो ।

अन्तिम अपडेट: जेठ ११, २०७६

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको जिल्ला अध्यक्ष समेत हुनुहुन्छ । 

तपाईको प्रतिक्रिया