विदेशको सपना देखेपछि सबै कुरा बिग्रियो

जेठ १०, २०७६ शुक्रबार १७:४५:२६ | मेरो कथा मेरो भोगाई

नजिम मन्सुरी, सुनसरी ।

मेरो १९ वर्षको उमेरमै बिहे भयो । दुई बालबच्चा पनि छन् । गाउँमा पाएको काम गर्थें । बिहान बेलुका खान पुगकै थियो । तर विदेशको सपना देखेपछि भने सबै कुरा बिग्रियो ।

विदेश जाँदा ठगीमा परियो । एजेण्टले पैसा मात्र ठगेन । मलाई नराम्रो काममा पठाएर दुःख पनि दियो । गाउँमै काम गरिरहेको थिएँ । एजेण्टले विदेशमा राम्रो काम र कमाइ हुन्छ भन्यो । मलाई पनि हो जस्तै लाग्यो । त्यसैले एक लाख रुपैयाँ उसलाई दिएँ । कतार गएँ ।

म २०७५ असोजमा कतार गएको हुँ । विल्डिङ कन्स्ट्रक्सनको काममा भनेर उसले पठाएको थियो तर सप्लाई कम्पनी रहेछ । त्यहाँ गएपछि मैले सडकमा काम गर्नुपर्‍यो । तातो घाममा ठूल्ठूला ढुङ्गा फोर्नेदेखि गैंती चलाउनुपर्‍यो । काम एकदम दुःख थियो । तै पनि गएपछि त गर्नै पर्‍यो नि । काम गरिरहेकै थिएँ ।

उसले यहाँ भनेअनुसारको केही पनि मिलेन । न काम न त तलब नै । साढे दुई महिना काम गरेको थिएँ । त्यसपछि मुदिर(म्यानेजर)ले भन्यो ‘यहाँ कम्पनी टुट्ट लाग्यो तिमी आफ्नो कम्पनीमा जाउ ।’

अब जाने कहाँ ? खाने पैसा पनि दिएको थिएन । ऋणमा सामान किनेर खाइरहेका थियौं । सयकडा तीन रुपैयाँ दरले काढेको एक लाख रुपैयाँको एक रुपैयाँ पनि ब्याज तिर्न सकिएन ।

म कामै नभएपछि डेढ महिनामा सात सय कतारी रियाल कमाएर फर्किएँ । यहाँ आएर जिल्ला प्रशासनमा गएर निवेदन पनि दिएको हो । तर म्यानपावरले अर्को देश पठाइदिन्छु भनेर कुरा मिलायो ।

त्यस्तो भनेको पनि यत्तिका महिना भइसक्यो कहिले पठाउने हो ठेगान छैन । मेरो दुई छोरी र श्रीमती छन् । उनीहरुका लागि पनि त खर्च जुटाउनुपर्‍यो । कुन दिन भिसा आउँछ र उड्छु भन्दै बस्ने त कुरै हुँदैन ।

उसले मलाई विदेश पठाउने लिएको पैसा मात्रै फिर्ता दिए पनि म ऋण तिरेर यहीँ काम गर्थें । तर त्यही पैसा अर्को देश पठाउँछु भन्छ । मलाई त्यसरी नै कुराइरहेको छ । ‘अहिले भिसा बन्द छ केही समय कुर अनि पठाउँछु रे ।’ उसले पहिले नै ठगेकाले मलाई विश्वास छैन । तर पैसा उठाउन भए पनि फेरि विदेश जानुपर्ने भयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्