राइनास नगरपालिकाका सबै वडाध्यक्षलाई मोटरसाइकल !

जेठ १६, २०७६ बिहीबार १८:२४:८ | श्यामशितल परियार

लमजुङ – लमजुङको राइनास नगरपालिकाले नगरका १० वटै वडाका वडाअध्यक्षलाई मोटरसाइकल प्रदान गरेको छ ।

राइनास नगरपालिकाका दैनिक प्रशासनिक र विकास निर्माणका कार्यहरुलाई सरल र सहज बनाउने उद्धेश्यका साथ सबै वडाका वडाअध्यक्षलाई मोटरसाइकल प्रदान गरिएको राइनास नगरपालिकाका प्रमुख प्रशासकीय अधिकृत रामचन्द्र अधिकारीले जानकारी दिनुभयो ।

उहाँका अनुसार सबै वडाध्यक्षलाई १ सय ५० सीसीको ‘यामाहा’मोटरसाइकल प्रदान गरिएको हो । प्रति मोटरसाइकल १ लाख ८० हजारमा खरिद गरी वडाध्यक्षलाई प्रदान गरिएको हो ।

श्रोत साधनको अभावमा सेवा प्रवाहमा कठिनाइ हुनुका साथै समयमै कार्य सम्पन्न हुन नसकेको जनगुनासो आएसँगै वडाध्यक्षहरुलाई मोटरसाइकल वितरण गरिएको हो ।‘स्थानीय तहबाटै बजेट व्यवस्थापन गरी खरिद बिक्री प्रक्रिया सम्पन्न गरी उहाँहरुलाई बाइक वितरण गरिएको हो’, अधिकारीले भन्नुभयो ।

मोटरसाइकल वितरण गरिएसँगै वडा कार्यालय तथा वडाध्यक्षबाट प्रदान गरिने कामकारबाही चुस्त–दुरुस्त हुने विश्वास लिइएको राइनास नगरपालिकाका मेयर सिंहबहादुर थापाले बताउनुभयो ।

राज्यको श्रोत साधनको सही सदुपयोग हुनुपर्नेमा स्थानीय नागरिकले जोड दिएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्