ग्याँस सिलिण्डर पड्किँदा सात जना घाइते, दुई जनाकाे अवस्था गम्भीर

जेठ २४, २०७६ शुक्रबार २०:३९:१३ | जयनारायण यादव

बारा - जीतपुरसिमरा उपमहानगरपालिका-१४ डुमरवानामा रहेकाे स्याउली बजारमा ग्याँस सिलिण्डर पड्किँदा एकै परिवारका ४ सहित सात जना घाइते भएका छन् ।

स्थानीय नजरमान थिङ्गको घरमा शुक्रबार बिहान साढे ८ बजे पाहुनाकाे लागि चिया पकाउन ग्याँस बाल्ने केरममा सिलिण्डर पड्किँदा परिवारका चारसहित सात जना घाइते भएका हुन् । थिङ्गकी बुहारी ज्ञानीमायाले ग्याँस सकिएपछि नयाँ सिलिण्डरमा रेगुलेटर जोडन नसकेको जानकारी गराएकाे र बाहिर रहेका सबैजना भान्छामा पुगेर बाल्ने क्रममा सिलिण्डर विष्फोट भएको बारा प्रहरीले जनाएको छ ।

घाइते हुनेमा ६७ वर्षीय नजरमान थिङ्गसहित उहाँकी बुहारी ३२ वर्षीय ज्ञानीमाया थिङ्ग, ३२ वर्षीय बौद्धमान थिङ्ग तथा ३२ वर्षीया अनिता थिङ्ग रहेका छन् । त्यसैगरी छिमेकीहरु ४८ वर्षीया दिलमाया वाइबा, २८ वर्षीया सुकमाया ब्लोन, २० वर्षीया ज्ञानीमाया मोक्तान, २६ वर्षीया कमलीमाया थिङ्ग रहेको प्रहरी नायब उपरीक्षक रंजितसिंह राठौरले बताउनुभयो ।

घाइतेमध्ये दिलमाया वाइबा र ज्ञानीमायाको अवस्था गम्भीर भएकाले थप उपचारको लागि नेशनल मेडिकल कलेज वीरगञ्जमा रिफर गरिएको तथा अन्य सबैकाे सिमरामा रहेकाे अल्पाइन अस्पतालमा उपचार भैरहेको इलाका प्रहरी कार्यालय सिमराले जनाएको छ । घाइते सबैको शरीरको विभिन्न भाग र कपालसमेत जलेको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयनारायण यादव

जयनारायण यादव बाराका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्