रेडियो पर्वतमा आगलागी, प्रसारण बन्द

जेठ २९, २०७६ बुधबार १०:३०:७ | सन्तोष थापा

पर्वत – पर्वतको पहिलो सामुदायिक रेडियो ‘रेडियो पर्वत १०३.६ मेगाहर्ज’को स्टुडियोमा मंगलबार राति आगलागी भएको छ । राति १ बजे विद्युत सर्ट भएर आगलागी हुँदा रेडियोका उपकरण तथा अन्य फर्निसिङ्ग सामग्रीहरु जलेर नष्ट भएका छन् भने घरमा समेत क्षति पुगेको छ ।

आगालागीबाट रेडियोको ट्रान्समिटरमा समेत क्षति पुगेको छ भने ७ वटा कम्प्युटर, दुई वटा मिक्सचर, हाईब्रिड, टेलिभिजनलगायतका सामग्रीहरु पूर्ण रुपमा नष्ट भएको रेडियोका स्टेशन म्यानेजर शंकर शर्माले जानकारी दिनुभयो ।

आगलागी भएसँगै बुधबार बिहानदेखि रेडियोको प्रसारण समेत बन्द भएको छ । कुनै पनि सामान काम नलाग्ने भएकाले बन्द गर्नुको बिकल्प नभएको शर्माले बताउनुभयो । उहाँका अनुसार स्थानीय बासीन्दा र प्रहरीको सक्रियतामा राति २ बजे आगो नियन्त्रणमा लिइएको थियो ।

आगलागीबाट रेडियो सञ्चालित घरका तीन वठा कोठामा समेत क्षति पुगेको छ । झण्डै ३० लाख रुपैयाँ भन्दा बढिको क्षति भए पनि यकिन विवरण भने आइनसकेको शर्माले जानकारी दिनुभयो । तत्काल थाहा पाएका कारण मानवीय क्षति नभएको स्थानीय प्रहरीले जानकारी दिएको छ ।

२०६४ सालदेखि ग्रामीण क्षेत्र फलेवासबाट प्रसारण हुँदै आएको यस क्षेत्रको पहिलो सामुदायिक रेडियो पछिल्लो समय अहिंसावादी रेडियो पर्वतको नाममा सञ्चालनमा रहँदै आएको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्