पलाँताका ११ नमुना विद्यालयमा अंग्रेजी माध्यमबाट पढाइने

जेठ ३२, २०७६ शनिबार १७:४१:३६ | मनिराज पाण्डे

कालीकोट - पलाँता गाउँपालिकाले यहाँका ११ वटा विद्यालयमा अनिवार्य अंग्रेजी शिक्षा लागू गरेको छ ।

गाउँपालिकाले छनोट गरेका ११ वटा नमुना विद्यालयमा कक्षा १ र २ मा अंग्रेजी माध्यमबाट पढाइने शिक्षक पुर्णबहादुर शाहीले बताउनुभयाे । गाउँपालिकाले प्रत्येक वडाबाट एक–एक वटा र दलित समुदाय बाट एक तथा वकट बस्तीबाट एक गरी जम्मा ११ वटा नमूना विद्यालय छनोट गरेको हो ।

कक्षा एक र दुई अंग्रेजी माध्यमबाट पढाइ हुने विद्यालयहरुमा कालिका मा वि पुलाहा, सरस्वती मा वि राडुनेटा, खापरदे आ वि पनेरा, छन् ।
त्यस्तै कालिका आ वि छलाहा, कर्णाली मा वि खिन, देउली मा वि उखाडी,छनोटमा परेका छन् । माडुगडा आ वि पारौटी, दुदेसिल्लो मा वि बेर्सैनकोट, सरस्वती मा वि थिर्पु, उज्वल आ वि दुवाडीचौर र जनविचार आ वि मेहेल्ने पनि नमूना विद्यालयमा छनोट भएका छन् ।

उचित कक्षा कोठा व्यवस्थापन, सिप र साधान स्रोतको सदुपयोग गर्नसके शिक्षामा सुधार ल्याउन सकिने शिक्षक शिक्षिकाकाे भनाइ छ ।
अंग्रेजी माध्यमबाट पढाउन आधारभूत तहका अंग्रेजी विषय शिक्षकहरुका लागि ७ दिने तालिम पनि प्रदान गरिएको छ।

विद्यार्थीले अंग्रेजी विषयमा राम्रो अंक ल्याउन नसकेपछि स्थानीय सरकारले कक्षा १ बाटै अंग्रेजी पठन पाठन सुधार गर्ने निर्णय गरेको पलाँताका प्रमुख प्रशासकीय अधिकृत राजबहादुर बमकाे भनाइ छ ।

पलाँता गाउँपालिकामा २९ वटा आधारभूत विद्यालय र ६ वटा माध्यामिक विद्यालय छन् । कक्षा १ र २ मा अनिवार्य अंग्रेजी कक्षा शिक्षण गर्ने पलाँता कालिकोटको पहिलो गाउँपालिका हो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्