साढे ४ लाख घुससहित इन्जिनियर पक्राउ

असार १७, २०७६ मंगलबार १८:४९:४१ | राधाकृष्ण डुम्रे

स्याङ्जा – स्याङ्जाको खानेपानी तथा सरसफाइ डिभिजन कार्यालयमा कार्यरत इन्जिनियर वसी अख्तर मोहम्मद मियाँ ४ लाख ५५ हजार रुपैयाँ घुससहित पक्राउ परेका छन् ।

अख्तियार दुरुपयोग अनुसन्धान कार्यालय पोखराबाट खटिएको टोलीले घुससहित मियाँलाई पक्राउ गरेको हो । बिरुवा गाउँपालिका ८ मा सञ्चालित छत्रे खानेपानी उपभोक्ता समिति अन्तर्गतको योजनाबाट रकम लिएका मियाँलाई अख्तियारको पोखरा कार्यालयबाट खटिएको रोशन खड्काको टोलीले पक्राउ गरेको हो । पक्राउ परेका मियाँलाई आवश्यक अनुसन्धानपछि कारबाही गरिने अख्तियार कार्यालयले जनाएको छ ।

रौतहट जिल्ला स्थाथ नगरपालिका–९, स्थायी घर भएका इन्जिनियर मियाँ लामो समयदेखि खानेपानी कार्यालय स्याङ्जामा कार्यरत थिए । पुतलीबजार नगरपालिका–१, नारायणस्थानका स्थानीय अनन्त मरासिनीको घरमा बस्दै आएका उनलाई रकम बुझ्दाबुझ्दै टोलीले कोठाबाटै पक्राउ गरेको थियो ।

स्थानीय ५७ घर परिवारलाई खानेपानीको सुविधा उपलब्ध गराने उद्देश्यले आर्थिक वर्ष २०७३/०७४ मा योजनाको सर्भे गरिएको थियो । कुल लागत २ करोड ६ लाख ११ हजार ८ सय रहेको योजनाको चालु आर्थिक वर्षमा २ लाख ३७ हजार विनियोजिन भए पनि २५ लाख बजेट थपिएको जिल्ला खानेपानी तथा सरसरफाइ डिभिजन कार्यालयले जनाएको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राधाकृष्ण डुम्रे

स्याङजाका पत्रकार राधाकृष्ण डुम्रे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

साढे ४ लाख घुससहित इन्जिनियर पक्राउ

फाइल फाेटाे

तपाईको प्रतिक्रिया