डाक्टर केसीको सत्याग्रहको आठौँ दिन : रिंगटा र मुटुको ढुकढुकी बढ्यो

असार २३, २०७५ शनिबार ११:५५:४० | नेत्र शाही

जुम्ला – डा. गोविन्द केसीको जुुम्ला सत्याग्रहको आज आठौँ दिन पुगेको छ ।

कर्णाली स्वास्थ्य विज्ञान प्रतिष्ठान शिक्षण अस्पतालमा अनसनमा रहेका डाक्टर केसीको मुटुको ढुुकढुकी बढेको छ ।

सत्याग्रहको आठौँ दिन भने डाक्टर केसीले मुटुको ढुकढुकी बढिरहेको बताउनुभयो । डाक्टर केसीले भन्नुभयो, ‘बोल्न प्रयास गर्छु तर ढुकढुकी बढिरहेकाले बीचैमा रोकिनुपर्ने हुन्छ ।’ यसैगरी रिंगटा पनि लाग्न थालेकाले डर लागिरहेको उहाँले उज्यालोलाई जानकारी दिनुभयो ।

कभर्डहलबाट प्रतिष्ठान सारिएपछि सिथिल स्वास्थ्य भएको केसीको ढुकढुकीसँगै मासु फर्किने, असजिलो हुने भएको छ । यसैगरी पिसाबमा समस्या बढ्दै गएको, अक्सिजनको मात्रा घट्दो क्रममा रहेको उपचारमा खटिएका डाक्टर प्रविण गिरीले जानकारी दिनुभयो । यसैगरी डाक्टर केसीको अवस्थाका बारेमा दैनिक रुपमा सूचना टाँस्ने गरिएको उहाँले बताउनुभयो । उपचारमा खटिएका डाक्टर गिरीसँगै, धिरज गुरुङ र सिद्धार्थ खत्रीसहित नर्सहरुले उपचारमा सघाएका छन् । यसैगरी डा. केसीका भाइ किशोर केसीले अभिभावकको भूमिका निभाइरहेका छन् ।

यसैगरी काठमाडौंबाट आएको चिकित्सकको टिमले उपचारमा अप्रत्यक्ष रुपमा निगरानी गरिरहेको बताएकोछ । सरकारले काठमाडौंबाट खटाएका डा.जीवन गिरी, डा. सुवास रेग्मीसँग केसीले उपचार गर्न इन्कार गर्नुभएको थियो । डा. केसीले कर्णाली प्रतिष्ठानमा डाक्टर हुँदाहुँदै सरकारले खटाएको चिकित्सकको उपचार आवश्यक नभएको भन्दै इन्कार गर्नुभएको थियो । ‘प्रतिष्ठानको टिम उपचारमा लागिरहेको छ तर हामी पनि अप्रत्यक्ष निगरानी गरिरहेका छौँ’, डा. जीवन थापाले बताउनुभयो ।

यसैगरी डा.केसीको अनसन अभियानले सडकदेखि सदन समेत तातिएको छ । नेपाली कांग्रेस जुम्लाले स्थलगत अनुगमन पठाएको टोलीले लिखित प्रतिवेदन सार्वजनिक गरी सदनमा समेत विशेष समय लिएर सरकारको ध्यानआकर्षण गर्ने भन्दै काठमाडौं फर्किएको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्