बाँकेका झण्डै २ हजार विपन्न परिवारका फुसकाे छाना जस्तामा परिणत गरिने

असार २१, २०७६ शनिबार २०:६:४१ | गोविन्द शर्मा

बाँके - बाँकेमा एक हजार ९०० विपन्न परिवारको फुसको छाना विस्थापित गरि जस्तापाता वितरण गरिने भएकाे छ ।

यही असारभित्रै उनीहरुलाई जस्तापाता वितरणका लागि ५० हजार रुपैयाँ अनुदान प्रदान गरिने शहरी विकास मन्त्री मोहम्मद इस्तियाक राईले जानकारी दिनुभयो । मन्त्री राईको पहलमा जस्तापाताका लागि नगद अनुदान दिन लागिएको हो ।

शहरी विकास मन्त्री राईले विकास निर्माणको काममा ढिलाइ गर्ने निर्माण कम्पनीमाथी सरकार कडाईका साथ प्रस्तुत हुने चेतावनी दिनुभएको छ । उहाँले समयभित्रै गुणस्तरयुक्त काम सम्पन्न गर्नका लागि निर्माण स्थलमै प्रयोगशाला संचालनमा ल्याइएको बताउनुभयो ।

बाँकेको नेपालगञ्जमा निर्माणाधीन भेरी अञ्चल अस्पतालको भवन र सिटी हलको शनिबार स्थलगत निरीक्षण गर्दै मन्त्री राईले वर्तमान सरकारले गुणस्तरमा कुनै पनि सम्झाैता नगर्ने बताउनुभयो । मन्त्री राईले समयभित्रै गुणस्तरयुक्त काम सम्पन्न गर्नका लागि सिटी हलमा प्रयोगशाला सञ्चालनमा ल्याइएको र भेरी अस्पतालमा चाँडै प्रयोगशाला सञ्चालनमा ल्याउन लागिएको बताउनुभयो ।

निर्वाचन क्षेत्र विकास कार्यक्रमका विभिन्न योजनाको स्थलगत अनुगमन गर्नुभएका मन्त्री राईले सबै कामहरु समयभित्रै सम्पन्न गर्नेगरी गुणस्तरयुक्त निर्माण भएको पाएको बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्