दलालको कुरा सुनेर भिजिट भिसामा काम गर्न यूएई आउँदा फसे‌ं

साउन ५, २०७६ आइतबार १९:१२:२९ | उज्यालो सहकर्मी

विवेक थापा (नाम परिवर्तन)/यूएई ।

साथीहरुले विदेश गएर धेरै पैसा कमाएको देख्दा मलाई नि विदेश जान रहर लाग्यो । साथीहरुको लहलहैमा परेर भिजिट भिसामा म गएको ‘मे’ महिनामा यूएई आइपुगें ।

घरपरिवारमा आर्थिक समस्या थियो । परिवारको दुःखलाई कम गर्छु, बुवाआमाको अनुहारमा खुशी ल्याउँछु र आफैं पनि उज्यालो भविष्य बनाउँछु भन्ने ठूलो सपना बोकेर विदेश आएको थिएँ ।

धेरै पैसा कमाउन सकिने भन्दै दलालको प्रलोभनमा परेर अवैधानिक बाटो भएर म भिजिट भिसामा यूएई आएँ । तर यहाँ आएर मलाई पछुतो भइरहेको छ, मेरो त्यो सपना सबै चकनाचुर भएको छ ।

एकदमै राम्रो पोष्टमा काम लगाइदिन्छु भनेर दलालले मलाई नेपालबाट बोलाएको थियो । दुई महिना हुन लागिसक्यो । तर दलालले कुनै पनि काममा लगाइदिएको छैन ।

अब मलाई त्यो दलालको विश्वास लाग्नै छाडिसक्यो । त्यसले अब मलाई कुनै काम लगाउन सक्दैन भन्ने लाग्छ । मेरो यूएई भिजिट भिसाको म्याद पनि सकिंदैछ । त्यही भएर म छिटो नेपाल फर्कन चाहन्छु ।

नेपालदेखि यूएईसम्मको यात्रा तय गर्दा मैले त्यस दलाललाई भिसा, सेटिङ र हवाई टिकटको लागि एक लाख ८० हजार रुपैयाँँ दिएको थिएँ । अहिले म त्यही दलालसँगै बसिरहेको छु । अब म नेपाल फर्कन चाहन्छु, तर मैले दलाललाई दिएको रकम मलाई फिर्ता गरिदेउ म नेपाल जान्छु भन्दा उसले मेरो कुरै सुन्दैन ।

यस्ता दलालको पछि लागेर म जस्ता धेरै गरीबहरुले ऋण गरेर जुटाएको पैसा डुब्ने गरेको छ । सबैको यस्तो अवस्था नआओस् भनेर पनि म सबैलाई सचेत गराउन चाहन्छु र दलालको हातबाट मेरो पैसा मलाई फिर्ता गराइदिन सम्बन्धित निकायसँग आग्रह गर्दछु ।

अन्तिम अपडेट: पुस ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्