यूएईको नेपाली दूतावासमा ‘टोकन प्रणाली’, छिटो र स्तरीय काम हुने विश्वास

साउन ६, २०७६ सोमबार १५:५५:५४ | उमाकान्त पाण्डे

यूएई – यूएईको आबुधाबीमा रहेको नेपाली दूतावासले टोकन प्रणाली लागू गरेको छ । दूतावासमा सेवा लिन आउने सेवाग्रहीलाई समयमै स्तरीय सेवा प्रदान गर्ने भन्दै दूतावासले सोमबारदेखि टोकन प्रणाली सुरु गरेको हो ।

दूतावासको प्रवेश कक्षमा टोकन प्रणाली यन्त्र र नम्बर देखाइने एलईडी डिस्प्ले राखिएको छ । त्यहीँबाट सेवाग्राहीलाई टोकन वितरण गर्दै यूएईका लागि नेपाली राजदूत कृष्णप्रसाद ढकालले टोकन प्रणालीको उद्घाटन गर्नुभयो ।

दूतावासमा आउने सेवाग्राहीलाई आफ्नो कामका लागि धेरै समय पर्खिन नपरोस् र झण्झट नहोस् भन्नका लागि टोकन प्रणाली लागू गरिएको दूतावासले जनाएको छ ।
अब दूतावास आउने हरेक सेवाग्राहीले सम्बन्धित कामका लागि आवश्यक कागजात ल्याए, नल्याएको दूतावासका कर्मचारीले प्रवेशद्वारमै हेर्नेछन् ।

आवश्यक कागजात भएका सेवागा्रहीलाई मात्र कुपन दिएर सम्बन्धित कक्षमा पठाइने दूतावासकी सूचना अधिकारी विष्णुकुमारी अधिकारीले उज्यालोलाई जानकारी दिनुभयो ।

टोकन प्रणाली लागू भएसँगै दूतावासको प्रवेशद्वारमा राखिएको लकरमा आफ्नो झोला, मोबाइल तथा विद्युतीय उपकरण राख्ने र प्रवेश अनुमति लिएर सेन्सर चेकिङ हुँदै टोकन लिनुपर्ने व्यवस्था गरिएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्