सप्तरीमा चट्याङ लागेर तीन जनाको ज्यान गयाे, अन्य तीन जना घाइते

साउन ७, २०७६ मंगलबार २०:१४:४४ | शुभनारायण यादव

सप्तरी - सप्तरीमा मंगलबार बिहान मेघ गर्जनसँगै वर्षासहित परेको चट्याङ्का कारण तीन जनाको ज्यान गएको छ ।

ज्यान जानेमा सप्तरीको सुरुङ्गा नगरपालिका-३ बस्ने ५५ वर्षीय हरिहर चौधरी र हनुमाननगर कंकालिनी नगरपालिका-११ का शुभ नारायण पण्डितकी ४५ वर्षीया श्रीमती शिवसती देवी पण्डित रहेको जिल्ला प्रहरी कार्यालय सप्तरीले जनाएको छ ।

चौधरीको खेतमा काम गरिरहेको अवस्थामा र पण्डितको खेतबाट घर फर्किने क्रममा चट्याङ् लागेर ज्यान गएको जिल्ला प्रहरी कार्यालय सप्तरीका एसपी मनोज कुमार यादवले जानकारी दिनुभयो । चट्याङ् लागेर गम्भीर घाइते भएका चौधरीलाई उपचारका लागि तत्कालै सप्तऋषि अस्पताल लहान लगिएकामा उपचारका क्रममा मृत्यु भएको प्रहरीले जनाएको छ ।

त्यस्तै तिलाठि कोइलाडी गाउँपालिका-१ बस्ने लक्ष्मण यादवकी १५ वर्षीया छोरी पुनम कुमारी यादवकाे खेतमा काम गरिरहेको अवस्थामा अचानक चट्याङ् लागेर ज्यान गएको प्रहरीले जनाएको छ।

यसैगरी चटयाङ्गबाट सप्तरीको डाक्नेश्वरी नगरपालिका-७, ब्रहमपुरमा तीन जना घाइते भएका छन् । खेतमा काम गरिरहेको अवस्थामा अचानक चटयाङ्ग पर्दा ४२ वर्षीया देवकी देवी साह ,३८ वर्षीय दिपेन्द्र साह र उनकी ३० वर्षीया श्रीमती सोनी देवी साह घाइते भएका हुन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्