त्रिशूली दुर्घटना अपडेटः ज्यान गुमाउनेको संख्या ५ पुग्यो, २० भन्दा बढी बेपत्ता

साउन २४, २०७६ शुक्रबार १४:१६:२४ | सिताराम अधिकारी

धादिङ – शुक्रबार बिहान धादिङको बेनिघाट रोराङ गाउँपालिका वडा नम्बर ३ सलाङघाटमा भएको बस दुर्घटनामा ज्यान गुमाउनेको संख्या ५ पुगेको छ । मोडमा पुगेपछि घुमाउन खोज्दा बस झण्डै एक सय मिटर तल त्रिशूली नदीमा खसेको थियो ।

सर्लाहीका ३५ वर्षीय अजय दास, २५ वर्षीय विजय कुर्मी र नाम र ठेगाना नखुलेको एक जना पुरुषको घटनास्थलमै ज्यान गएको जिल्ला प्रहरी कार्यालयका प्रमुख प्रहरी उपरीक्षक राजकुमाव वैदवारले बताउनुभयो । यसैगरी नदीले बगाएर ल्याउँदै गरेको अवस्थामा मुग्लिन नजिकैबाट २ जनाको शव प्राप्त भएको प्रहरीले जानकारी दिएको छ ।

दुर्घटनामा घाइते भएका अन्य १६ जनाको उपचार भैरहेको छ । घाइतेहरुको राजमार्ग सामुदायिक अस्पताल मलेखु, प्राथमिक स्वास्थ्य केन्द्र गजुरी, राजमार्ग सामुदायिक अस्पताल गजुरी, र ट्रमा सेन्टर काठमाण्डौमा उपचार भैरहेको छ ।

गजुरी अस्पताल धादिङमा उपचारपछि डिस्चार्ज भएकाहरु

१.सर्लाहीको गमहरिया नगरपालिका–८ का ३६ वर्षीय दिनेश ठाकुर
२. सर्लाहीको हरिपुर नगरपालिका–७ का ३४ वर्षीय भोगेन्द्र चौधरी
३. सर्लाहीको औरही गाउँपालिका–७ का १५ वर्षीय राहुल महत्तो मध्यम
४. सर्लाहीको हरिपुर नगरपालिका–९ का अमृत लामा
५. सर्लाहीको कबिलासी लाठी गाउँपालिका–६ का ३१ वर्षीय भुपेन्द्र कुमार यादव
६. सर्लाहीको कबिलासी गाउँपालिका–४ का ३३ वर्षीय राय यादव
७. भारतको बिहार सितामणि, पनौलीथाना–४ का ४२ वर्षीय भिरेन्द्र ठाकुर

काठमाण्डौ ट्रमा सेन्टरमा उपचार भैरहेका घाइतेहरु

१. भारत सितामणिका ४० वर्षीय धिरेन्द्र ठाकुर
२. सर्लाहीको कबिलास गाउँपालिका–४ का ३२ वर्षीय बिजय यादव,
३. सर्लाहीको हरिपुर गाउँपालकिा–४ का २८ वर्षीय प्रमोद कुँवर, सहचालक
४. सर्लाहीको मलंगवा नगरपालिका–११ का १६ वर्षीय सिकिन्द्र कुमार महतो
५. सर्लाहीको विष्णु गाउँपालिका–५ का २१ वर्षीय कुश रन्जम महतो
६. सर्लाहीको ब्रहमपुरीकी १६ वर्षीया स्वेता रौनियार
७. सर्लाहीको हरिहरपुर नगरपालिकाका ४० वर्षीय बस चालक जीवन बिक
८. सर्लाहीको ब्रहमपुरी–६ का राकेश बैठा
९. अन्य दुई जनाको नाम खुलेको छैन ।

ना ६ ख ७४६९ नम्बरको याात्रुवाहक बस शुक्रबार बिहान ३ बजे नदीमा खसेपछि केही व्यक्तिले पौडेर ज्यान बचाएका थिए । राति पौडेर ज्यान बचाए पनि उनीहरुको बिहान ७ बजेमात्र दुई जनाको नदी किनारको खोचबाट उद्धार गरिएको थियो । उनीहरुको अवस्था सामान्य रहेको छ ।

बसमा मलंगवाबाट ३९ जना यात्रु र हरिपुरबाट दुई जना यात्रु चढेको यातायात समितिले जनाएको छ । त्यही बसमा सवार ‘बी’ १६ नम्बर सिटका यात्रु समिमराज अन्सारीका अनुसार सबै सिट भरिएर चार जना मानिस मुढामा बसेको र सवारी चालक दलका सदस्यबाहेक क्याबिनमा अन्य चार जना रहेका थिए ।

यात्रुहरु सबैको टिकट नभएको बताइएको छ । यातायात समितिले ३८ जनाको चलानी गरी पठाइएको स्पष्ट पारेको छ ।

दुर्घटनामा परेका यात्रुहरुको नेपाल प्रहरी, नेपाली सेना, सशस्त्र प्रहरी र रेडक्रसका स्वयंसेवकले उद्धार गरेका थिए । प्रहरीले भने चालक निदाएर दुर्घटना भएको प्रारम्भिक अनुमान गरेको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्