पहिले काम नभएर घरमा बस्थें, अहिले सरकारले काम दिएपछि मन रमाएको छ

साउन २८, २०७६ मंगलबार १६:३८:२२ | मेरो कथा मेरो भोगाई

लक्ष्मी पौडेल, काठमाण्डौ, कीर्तिपुर ।

म अहिले ३९ वर्षको भएँ । अहिलेसम्म बेरोजगार थिएँ । तर १५ दिन भयो मैले प्रधानमन्त्री रोजगार कार्यक्रममार्फत काम पाएको छु ।

पहिलो पटक काम गर्न पाउँदा खुशी लागेको छ । सधैं घरधन्दामा मात्र भुलिरहने मन अहिले पैसा आउने काम गर्न पाउँदा खुशी भएको छ । मेरा दुई बालबच्चा छन्। श्रीमान् सानोतिनो काम गर्नुहुन्छ ।

उहाँकै कामले घर चलेको थियो । केही महिनाअघि मैले गाउँमा बेरोजगार हुनेले कामका लागि आवेदन दिन पाउने भन्ने सुनें। त्यसपछि वडा कार्यालयमा गएर निवेदन दिएको थिएँ ।

काम पाइन्छ कि पाईंदैन भन्ने त ठेगान थिएन । तर मेरो नाम बेरोजगारको सूचीमा निस्किएछ । मैले १२ कक्षासम्म पढेको थिएँ । काम पनि राम्रो नै पाइयो । अहिले मलाई नगरपालिकाले वडाका सबै घरघरमा गएर पारिवारिक तथ्याँक लिने काम दिएको छ । घरघरमा पुग्दा हाँस्न, बोल्न पाइन्छ । रमाइलो हुन्छ ।

तर कतिले चाहिँ हामीलाई के दिने हो र सोधेको भन्ने जस्ता कुरा पनि गर्छन् । जे भए पनि काम पाउँदा निकै खुशी लागेको छ । एक महिनाको लागि मात्रै हो यो काम त । तर लामो समयलाई यो काम भइदिए हुन्थ्यो भन्ने लागेको छ । हाँस्दै हिँड्न पाइएको छ ।

गाउँका अरुले पनि हामीलाई पनि भन्नु पर्छ नि हामी पनि काममा जाने थियौं भन्छन् । मैले पनि अन्तबाटै थाहा पाएको थिएँ । काम पनि मिलिहाल्यो । अब सरकारले यो काम बढाउँदै लगे हुन्थ्यो । हामीजस्ता काम नभएर घरमै बस्नेहरुलाई सरकारले दिएको यो कामले खुशी मिलेको छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्