कपनबाट पेस्ताेलसहित एक जना पक्राउ
चैत १६, २०८० शुक्रबार
काठमाण्डौ – काठमाण्डौ उपत्यकासहित देशका धेरै ठाउँमा बिहानै चर्को घाम लागेको छ । मनसुनी न्यूनचापीय क्षेत्र नेपालभन्दा तल भएकाले धेरै ठाउँमा बिहानै चर्को घाम लागेको मौसम पूर्वानुमान महाशाखाले जनाएको छ ।
महाशाखाका अनुसार काठमाण्डौको बिहानको तापक्रम २१ दशमलव ८ डिग्री सेल्सियस मापन गरिएको छ । बुधबार काठमाण्डाैको तापक्रम ३१ डिग्री सेल्सियससम्म पुग्ने अनुमान छ ।
कम पानी परेकाले गर्मी बढेको हो । तर बंगालको खाडीबाट आएको जलवाष्पयुक्त हावा र स्थानीय वायुको प्रभावले थोरै ठाउँमा ठूलो र केही ठाउँमा हल्का पानी परिरहेको मौसमविद् गंगा नगरकोटीले जानकारी दिनुभयो ।
देशका धेरैजसो ठाउँमा बुधबार दिनभर आंशिकदेखि सामान्य बदली रही केही स्थानमा मेघ गर्जनसहित मध्यम वर्षा हुने महाशाखाले जनाएको छ । पहाडी भूभागका केही ठाउँमा ठूलो वर्षा हुने र चट्याङ पर्ने सम्भावना रहेको महाशाखाले जनाएको छ ।
बुधबार राति पनि देशका धेरैजसो ठाउँमा सामान्य बदली हुने र केही स्थानमा हल्कादेखि मध्यम वर्षा हुने मौसमविद्हरुको पूर्वानुमान छ ।
देशका पूर्वी र पश्चिमी पहाडी भूभागका केही ठाउँमा मेघगर्जनसहित पानी पर्ने सम्भावना रहेकाले बाढी पहिरोको जाेखिम रहेका ठाउँमा सावधानी अपनाउन मौसमविदहरुले अनुरोध गरेका छन् ।