जुम्ला–रारा अल्ट्रा म्याराथन सुरु

 असार २७, २०७५ बुधबार १३:२८:२० | नेत्र शाही

जुम्ला – कर्णालीमा पर्यटन प्रवर्द्धनका लागि जुम्ला रारा अल्ट्रा म्याराथन बुधबार सुरु भएको छ । 

पर्यटन वर्षलाई टेवा पुग्ने गरी कर्णाली स्पोर्ट्स क्लब जुम्लाले जुम्ला रारा अल्ट्रा म्याराथन प्रतियोगिता सुरु गरिएको हो ।

जुम्ला रारा अल्ट्रा म्याराथोन प्रतियोगितामा अन्तराष्ट्रिय धावकदेखि साहित्यकार तथा विभिन्न पेशामा संलग्न व्यक्तिहरुको सहभागिता रहेको छ । 

अन्तराष्ट्रिय धावक  सुनमाया बुढा पनि जुम्ला देखि रारा तालसम्मको  प्रतियोगितामा सहभागिता भएकी छिन् । 

‘राष्ट्रका लागि खेलकुद र स्वास्थ्यका लागि खेलकुद’ भन्ने नारासहित कर्णाली प्रदेशको पर्यटकीय क्षेत्रलाई विश्वमा पहिचान गराई पर्यटन प्रबद्र्धन गर्नका लागि अल्ट्रा म्याराथन प्रतियोगिताको आयोजना गरेको कर्णाली स्पोर्ट क्लबका अध्यक्ष सरोज शाहीले बताउनुभयो ।

उनका अनुसार,  खेल क्षेत्रबाटै कर्णालीका विभिन्न ठाउँहरुलाई चिनाउने तथा रारा कर्णाली पर्यटन बर्ष २०७५ लाई सफल पार्न पनि प्रतियोगिताले सघाउनेछ ।

शाहीका अनुसार राष्ट्यि स्तरको अल्ट्रा म्याराथोन प्रतियोगितामा राष्ट्यि स्थानीय गरी ८० खेलाडी सहभागी भएका छन् ।

जिल्ला बाहिरका मात्रै ३६ खेलाडीले सहभागिता जनाएका छन् । विभिन्न प्रतियोगितामा गएर उपाधि पाइसकेका खेलाडीहरु पनि सहभागी छन् । ती मध्य १६ जना महिला रहेका छन् । 

जुम्ला सदरमुकामदेखि सुरु भएको दौड मुगुको हुटु लेकमा सकिने सकिने छ । जुम्ला सदरमुकामको चन्दननाथ मन्दिर अगाडिबाट सुरु गरिएको ४९ किलोमिटर दौड हुने प्रतियोगितामा विजेताका दाबेदार खेलाडीले १० घण्टाकामा मिट प्वाइन्टमा पुगिसक्नु पर्ने कर्णाली स्पोर्ट क्लबले जनाएको छ ।

‘जुम्ला रारा अल्ट्रा म्याराथोनको रुट जुम्ला सदरमुकाम खलंगा बजारबाट २ हजार ३ सय ५० मिटर उचाई हुँदै डाँफे लेक, न्याउरीघाट, चौथा, ४ हजार १७ मिटर उचाई रहेको चुचेमारा मिलीचौर हुँदै मुगुको हुटु लेक भएर राराताल पुग्ने रहेको छ ।’

प्रतियोगितामा सोलुखुम्बु जिल्ला, त्रिभुवन आर्मी क्लबलगायतका खेलाडी सहभागी हुने भएका छन् । 

पर्यटन प्रबद्र्धन र खेल क्षेत्रको विकासका लागि जिल्ला खेलकुद विकास समिति जुम्ला, चन्दननाथ नगरपालि लगायतको समन्वयमा ११ लाख लागत बजेटमा उक्त प्रतियोगिता हुने भएको आयोजक क्लबले जनाएको छ ।

 चार स्थानमा चेकिङ प्वाइन्ट  

प्रतियोगिता सुरु हुने जुम्ला सदरमुकाम चन्दननाथ मन्दिरदेखि मुगुको हुटु लेकसम्म पुगुन्जेलसम्मका लागि पाँच ठाउँमा खेलाडी चेक प्वाइन्ट राखिएको छ । बाटो भिरालो तथा अप्ठयारो भएका कारण खेलाडी हराउन सक्ने सम्भावना पनि छ ।

जुम्लादेखि मुगु पुग्दासम्म खाली, चौथा, बुलबुले र चुचामारे लेकमा चेक प्वाइन्ट स्थापना गरिएको आयोजकले जनाएको छ । 

यसैगरी बीच बाटोमा आउने सक्ने स्वास्थ्य खराबीलाई मध्यनजर गर्दै पाँच स्थानमा स्वास्थ्य क्याम्प पनि राखिएको छ । नेपाली सेना, प्रतिष्ठान तथा स्वास्थ्य चौकीसँगको समन्वयमा पाँच स्थानमा स्वास्थ्य जाँच क्याम्प राखिएको आयोजकले जनाएको छ ।

च्यारेचौर, डाँफे लेक, काब्राचौर र चुचामारे लेकमा स्वास्थ्य क्याम्पका साथ स्वास्थ्यकर्मी तयारी अबस्थामा राखिएको छ । जुम्ला रारा अल्ट्रा म्याराथनलाई सफल पार्न ५० जना स्वयसेवकहरु परिचालन गरिएको छ ।

उद्घाटन कार्यक्रममा चन्नदननाथ नगरपालिका मेयर कान्तिका सेजुवाल, एथलेटिक्स संघ केन्द्रीय प्रशिक्षक राजिब विक्रम शाहको उपस्थिति रहेको थियो । प्रतियोगिता मुगुको राराताल सम्म पुगेर सकिनेछ । 

अन्तिम अपडेट: मंसिर ७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ । 

1 Comments

  • Jiban Neupane

    July 11, 2018, 1:54 p.m.

    I am interested about ultra marathon but i can found your notice please next time make you information broad i mean all most people easily can take your notices

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

चीनले फ्रान्स, जर्मनीलगायत २९ वटा देशका लागि एकपक्षीय भिसामुक्त नीति लागू गर्‍याे

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई