मनकामना बहिरा माविका कर्मचारी श्यामहरि घिमिरेको हत्यारा पत्ता लाग्यो

भदौ ६, २०७६ शुक्रबार १७:४५:३ | किरण लोहनी

गोरखा – आफ्नै श्रीमतीको हत्या गरेका याकुब परियारले मनकामना बहिरा माविका कर्मचारी श्यामहरि घिमिरेको हत्या गरेको पुष्टि भएको छ ।

अनुसन्धानका क्रममा याकुबले श्यामहरिको हत्या गरेको पुष्टि भएको जिल्ला प्रहरी कार्यालयले जनाएको छ । गोरखा नगरपालिका–९, का याकुबले साउन २७ गते राति आफूले श्यामहरिको हत्या गरेको बयान दिएका एसपी ओम अधिकारीले जानकारी दिनुभयो ।

‘त्यसदिन याकुबका बाआमा र श्रीमतीले उनलाई टक्सारको उमाकान्त बगालेकहाँ झारफुक गर्न लगेका रहेछन्’, उहाँले भन्नुभयो, ‘बगाले बाकहाँ पुगेपछि याकुबले श्रीमती, बा आमालाई कुटेर भागेछन् । त्यही बेला मृतक घिमिरेसँग उनको जम्काभेट भएछ । मानसिक अवस्था राम्रो नभएका उनले घिमिरेलाई एक मुक्का हानेछन् । घिमिरे ढलेपछि कपडा समातेर कान्लाबाट तल झारेर घिसार्दै तल पुगेर घोप्टो पारेर घाँटी थिचेर मारेछन् । मृतकको ढाडमा बसेर मुन्टो बटारेछन् ।’

अनुसन्धानकै क्रममा प्राप्त तथ्यको आधारमा प्रहरीले याकुबमाथि घिमिरे हत्याको विषयमा पनि अनुसन्धान गरेको थियो । अनुसन्धानका क्रममा याकुबले आफ्नो परिवारका सामु प्रहरीसमक्ष बयान दिँदै घिमिरेको हत्या स्वीकार गरेको एसपी अधिकारीले जानकारी दिनुभयो ।

गएको साउन ३२ गते श्रीमती पूजाको घाँटी रेटेर हत्या गरेका उनी अहिले प्रहरी नियन्त्रणमा छन् । २१ वर्षका याकुब मानसिक रोगी रहेको प्रारम्भिक अनुसन्धानबाट खुलेको छ । उनीविरुद्ध ज्यान मार्ने कसुरअन्तर्गत दुई वटा मुद्दा दर्ता हुने एसपी अधिकारीले जानकारी दिए ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्