पाल्पा : विद्यालय जाँदै गर्दा बेहाेस भएकी १ छात्राकाे ज्यान गयाे

भदौ ११, २०७६ बुधबार १४:५:६ | देव पचभैया

पाल्पा – रम्भा गाउँपालिका–५, ताहुँमा एक छात्राको बेहोस भएर ज्यान गएको छ । रम्भा माध्यमिक विद्यालयको कक्षा १० मा अध्ययनरत पूर्वखोला गाउँपालिका–६ हेक्लाङकी १६ वर्षीया कमला फालको बुधबार बिहान ज्यान गएको हो ।

विद्यालयका प्रध्यानाध्यापक तुल्सी अर्यालका अनुसार बिहान पौने ८ बजेतिर विद्यालयमा ट्युसन पढ्न आउने क्रममा विद्यालयनजिकै बेहोस भएकी कमलाको स्थानीय ताहु प्राथमिक केन्द्रमा उपचार सम्भव नभएपछि तानसेन लाने क्रममा बाटोमै ज्यान गएको हो । उहाँ घरदेखि झण्डै २ किलोमिटर टाढा रहेको विद्यालय हिँडेर जानु भएकाे थियाे ।

उहाँको ज्यान गएपछि आत्तिएर रुने क्रममा उहाँका ९ जना साथीसमेत बेहोस भएका छन् । रोएर बेहोस भएका मध्ये ७ जनाको प्राथमिक स्वास्थ्य केन्द्रमा उपचार भैरहेको र अन्य २ जनाको युनाइटेड मिसन अस्पताल तानसेनमा उपचार भैरहेको विद्यालयले जनाएको छ ।

जिल्ला प्रहरी कार्यालय पाल्पाले भने घटनाको बारेमा अनुसन्धान भैरहेको जनाएको छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्