गएको वर्ष ५८ हजार पर्यटक खुम्बु पुगे

भदौ १६, २०७६ सोमबार १४:१०:४७ | सुवास दर्नाल

सोलुखुम्बु – आर्थिक वर्ष २०७५/७६ मा सोलुखुम्बुको खुम्बु क्षेत्रमा झण्डै ५८ हजार पर्यटकले भ्रमण गरेका छन् ।

सगरमाथा राष्ट्रिय निकुञ्ज प्रवेशद्वार जोरसल्लेको तथ्यांक अनुसार गएको आर्थिक वर्षमा ५७ हजार ९ सय ९० जना पर्यटकले खुम्बु क्षेत्र भ्रमण गरेका हुन् ।

भ्रमण गर्ने पर्यटकमध्ये सार्क राष्ट्रका २ हजार ७ सय ७४ र अन्य देशका ५४ हजार ५ सय १५ जना रहेका छन् । जसमा सार्क राष्ट्रहरुबाट पुरुष २ हजार १ सय ७० र महिला ६ सय ४ जनाले खुम्बु क्षेत्रको भ्रमण गरे ।

त्यस्तै सार्क राष्ट्र बाहेकका ३४ हजार ८ सय ६४ जना पुरुष र १९ हजार ६ सय ५१ जना महिला खुम्बु पुगेको सगरमाथा राष्ट्रिय निकुञ्जका सहायक संरक्षण अधिकृत तथा सूचना अधिकारी रविन चौधरीले जानकारी दिनुभयो ।

गएको आर्थिक वर्षमा ७ सय १ जना अन्तरिक पर्यटक पनि खुम्बु क्षेत्र पुगेको निकुञ्जको तथ्यांकले देखाएको छ । जसमा ६ सय ४८ जना पुरुष र ५३ जना महिला रहेका छन् ।

सगरमाथा राष्ट्रिय निकुञ्जमा विसं २०७५ सालको कात्तिक महिनामा सबै भन्दा बढी पर्यटक भित्रिएकोे सूचना अधिकारी चौधरीको भनाइ छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्