गल्याङ जीप दुर्घटना अपडेट : ज्यान गुमाउनेकाे संख्या ३ पुग्याे

भदौ १८, २०७६ बुधबार १८:६:२७ | देव पचभैया

पाल्पा – स्याङ्जाको गल्याङमा भएको जीप दुर्घटनामा ज्यान गुमाउनेको संख्या तीन पुगेको छ । एक जनाको घटनास्थलमा र दुई जनाको उपचारको क्रममा पाल्पाको लुम्बिनी मेडिकल कलेज प्रभासमा ज्यान गएको हो ।

जिल्ला प्रहरी कार्यालय पाल्पाका अनुसार उपचारका क्रममा पाल्पाको रम्भा गाउँपालिका–१ की ६० वर्षीया छलिमाया सार्की र ३२ वर्षीया मन्जु भण्डारीको ज्यान गएको छ । त्यस्तै स्याङ्जाको वालिङ नगरपालिका–१३ का नौ महिने बालक प्रसन्न परियारको घटनास्थलमा ज्यान गएको हो ।

दुर्घटनामा घाइते भएका पाँच जनाको पाल्पाको मिशन अस्पतालमा र १९ जनाको लुम्बिनी मेडिकल कलेज प्रभासमा उपचार भैरहेको छ । उपचार भैरहेकामध्ये मिशन अस्पतालका एक जनाको र लुम्बिनी मेडिकल कलेजका चार जनाको अवस्था गम्भीर रहेको अस्पतालले जनाएको छ ।

पाल्पाको रम्भा गाँउपालिकाको हुँगीबाट स्याङ्जाको गल्याङका लागि छुटेको ग १ ज ३८४१ नम्बरको जीप स्याङ्जाको गल्याङ नगरपालिका–३ दिमिकमा बुधबार १ बजेतिर दुर्घटनामा परेको थियो ।

दुर्घटनामा तिज मनाएर फर्किएका महिला र बालबालिकाहरु परेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्