नवलपरासी पूर्वमा ७१ जनामा डेंगीको संक्रमण

भदौ २६, २०७६ बिहीबार १५:१०:१५ | दयाराम आचार्य

नवलपरासी पूर्व – नवलपरासी पूर्वमा ७१ जनामा डेंगीको संक्रमण देखिएको छ । राजमार्गसँग जोडिएका बजार क्षेत्रका ७१ जनामा डेंगीको संक्रमण देखिएको स्वास्थ्य कार्यालय नवलपरासी पूर्वका प्रमुख ख्याम केसीले जानकारी दिनुभयो ।

प्रमुख केसीका अनुसार सबैभन्दा धेरै डेंगीको संक्रमण गैंडाकोट नगरपालिकामा देखिएको छ । गैंडाकोट नगरपालिकामा मात्र ५२ जनामा डेंगीको संक्रमण देखिएको उहाँले बताउनुभयो ।

भदौ २५ गतेसम्मको प्राप्त तथ्याङ्कअनुसार गैंडाकोटमा ५२ जना, देवचुली नगरपालिकामा १० जना, कावासोती नगरपालिकामा ८ जना र मध्यबिन्दु नगरपालिकामा एक जनामा डेंगीको संक्रमण देखिएको छ । जिल्लाको पहाडी क्षेत्रका स्थानीय तहहरुमा भने अझैसम्म कसैमा डेंगी भएको भन्ने जानकारी प्राप्त नभएको प्रमुख केसीले जानकारी दिनुभयो ।

डेंगीको संक्रमण बढ्दै गएप्छि परीक्षणका लागि जिल्लामा किटको अभाव भएको स्वास्थ्य कार्यालय प्रमुख केसीले बताउनुभयो । गण्डकी प्रदेश सरकारले थोरै किट पठाएकाले जिल्लामा अहिले किटको अभाव भएको उहाँले गुनासा गर्नुभयो । प्राप्त किटहरु सकिएको र स्थानीय तहहरुले किट खरिद नगरेका कारण स्वास्थ्य संस्थामा किटको अभाव भएको छ ।

नवलपरासी पूर्वका डेंगी संक्रमितहरुको मध्यबिन्दु जिल्ला अस्पतालसहित स्थानीय अस्पताल र चितवनमा उपचार भैरहेको प्रमुख केसीले बताउनुभयो ।

डेंगीको संक्रमण बढेपछि यहाँका पालिकाहरुले लामखुट्टेको बास स्थान खोज र नष्ट गर अभियानलाई तीव्रता दिएका छन् । गैंडाकोट नगरपालिका, देवचुली नगरपालिका, कावासोती नगरपालिका, मध्यबिन्दु नगरपालिका र विनयी त्रिवेणी गाउँपालिकाले बजार क्षेत्र लक्षित गरी विभिन्न सामुदायिक संघसंस्थाको सहकार्यमा अभियान सञ्चालन गरिरहेका छन् ।

डेंगीको संक्रमण बढदै गएपछि बजार क्षेत्रलाई केन्द्रित गरी सचेतनामूलक कार्यक्रमहरु गरेको कावासोती नगरपालिका–२ का वडाध्यक्ष लक्ष्मीप्रसाद पौडेलले बताउनुभयो ।

एक्लैको प्रयासले नियन्त्रणमा समस्या आउने भएपछि विभिन्न संघसंस्थाको सहकार्यमा लामखुट्टेको बासस्थान खोज र नष्ट गर अभियानसहित सचेतनामूलक कार्यक्रम गरिरहेको अध्यक्ष पौडेलले बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दयाराम आचार्य

नवलपरासी सुस्ता पूर्वका उज्यालो सहकर्मी दयाराम आचार्य स्थानीय एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्