सीपीएल : बार्बाडाेसकाे दोस्राे जित, यस्ताे रह्याे सन्दीपकाे बलिङ

असोज ४, २०७६ शनिबार ९:३:२९ | उज्यालो सहकर्मी

क्यारेबियन प्रिमियर लिग (सीपीए() अन्तर्गत नेपाली खेलाडी सन्दीप लामिछाने आबद्ध बार्बाडोस ट्रिन्डेट्सले दोस्रो जित निकालेको छ । बार्बाडोसले सेन्ट लुसियालाई ७१ रनले पराजित गर्दै दोस्रो जित निकालेको हो ।

सन्दीपको टिमले पहिला ब्याटिङ गर्दै ६ विकेट गुमाएर १७२ रन बनाएको थियो । बार्बाडोसका लागि जस्टिन ग्रेभले सर्वाधिक ५७ रन बनाउँदा जोनाथन कार्टरले ३० रन बनाए । जोनसनले २८ रन बनाएका थिए । १७३ रनको लक्ष्य पछ्याएको सेन्ट लुसिया १४.५ ओभरमा १०१ रन मात्रै बनाउन सक्यो ।

आजको खेलमा सन्दीपले ४ ओभर बलिङ गर्दा २९ रन खर्चिएर १ विकेट हात पारे ।

सन्दीपले आफ्नो पहिलो ओभर टिमको सातौं ओभरमा लिएर आएका थिए । पहिलो ओभरमा सन्दीपले ४ रन दिए । उनले दोस्रो र पाँचौं बल डट राखेका थिए भने बाँकी चार बलमा चार रन दिएका हुन् ।

नवौं ओभरमा दोस्रो ओभर लिएर आएका सन्दीपले पहिलो बलमै चौका दिए । दोस्रो बल डट राखेका सन्दीपले गरेको तेस्रो बलमा भने टिमले विकेट लिन सफल भय ।

कोलिन डी ग्राण्डहोम रन आउट भएका थिए । तेस्रो ओभरमा सन्दीपले मात्र २ रन खर्चिए । १३ औं ओभरमा सन्दीपले पहिलो बलमा १ रन दिएका थिए । त्यसपछि लगातार दोस्रो, तेस्रो र चौथो बल डट राखे भने पाँचौं बलमा १ रन दिए भने अन्तिम बल पनि डट नै राखे । तीन ओभरसम्म सन्दीपले १३ रन खर्चिएका थिए ।

तर चौथो ओभरमा भने उनी महँगो सावित भए । १५ औं ओभरमा अन्तिम स्पेल लिएर आएका सन्दीपले सुरुका २ बलमा लगातार छक्काको सामना गरे । तेस्रो बलमा १ रन दिएका सन्दीपले चौथो बलमा ३ रन दिन पुगे । पाँचौँ बलमा भने उनले विकेट लिन सफल भए । हार्डस भिल्जोनलाई आउट गर्दै टिमलाई नवाैँ सफलता दिलाए ।

भिल्जोनले नै आक्रमक ब्याटिङ गर्दै २० बलमा ३१ रन बनाएका थिए भने सन्दीपलाई लगातार २ छक्का प्रहार गरेका थिए । दशौँ ब्याट्सम्यानका रुपमा आवेट म्याक्वेव घाइते भएका कारण ब्याटिङमा नउत्रिएपछि सन्दीपको टिम बार्बाडोस ७१ रनले विजयी हुन पुग्यो ।

सन्दीपले आज ३.५ ओभर बलिङ गर्दा २९ रन खर्चिएर १ विकेट लिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्