इटालियन सिरी ए : युभेन्टस र इन्टर मिलानको जित

असोज ५, २०७६ आइतबार ९:३०:१६ | उज्यालो सहकर्मी

इटालियन सिरी ए मा क्रिस्टियानो रोनाल्डोको टिम युभेन्टसले हेलास भेरोनालाई २–१ गोलले हराएको छ । जितसँगै शीर्ष स्थानको इन्टर मिलानसँगको अग्रता २ अंकमा झारेको छ ।

घरेलु मैदानमा भएको खेलमा युभेन्टसले भेरोनाको एक गोलको अग्रता उल्ट्याएको हो । पाहुना टिम भेरोनाले २० औं मिनेटमा मिगुइल भेलोसोको गोलमा अग्रता बनाएको थियो ।

तर त्यो अग्रता धेरैबेर टिक्न सकेन । ३१ औं मिनेटमा आरोन राम्सेले गोल गर्दै युभेन्टसलाई बराबरीमा पुर्‍याए । यसै सिजन आर्सनलबाट युभेन्टस पुगेका राम्सेको यो सिरी एमा डेब्यू गोल हो ।

पहिलो हाफ एक–एक गोलको बराबरी भएको खेलको ४९ औं मिनेटमा युभेन्टसले पेनाल्टीको अबसर पायो । जसलाई क्रिस्टियानो रोनाल्डोले गोलमा परिणत गरे । त्यसपछि दुवै टिमबाट थप गोल हुन सकेन र युभेन्टसले तीन अंक हात पार्‍यो ।

शनिबार राति नै भएको अर्को खेलमा इन्टर मिलानले एसी मिलानलाई २–० ले हरायो । एसी मिलानको मैदानमा इन्टरको जितमा ब्रोजोभिक र रोमेलु लुकाकुले एक–एक गोल गरे । प्रतिस्पर्धात्मक बनेको खेलको पहिलो हाफ गोलरहित बराबरी भएको थियो ।

४९ औं मिनेटमा इन्टरले अग्रता बनायो । उसका लागि ब्रोजोभिकले सिन्सीको पासको सदुपयोग गर्दै गोल गरे । त्यसपछि ७८ औं मिनेटमा यसै सिजन म्यानचेस्टर युनाइटेडबाट इटाली पुगेका रोमेलु लुकाकुले ७८ औं मिनेटमा गोल गर्दै टिमलाई २–० अगाडि राखे ।

त्यसपछि एसी मिलान खेलमा फर्कन सकेन र इन्टर विजयी भयो । यो जितले इन्टर मिलान लिगको शीर्ष स्थानमा उक्लिएको छ । उसको चार खेलमा १२ अंक भएको छ भने युभेन्टसको समान खेलबाट १० अंक छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्