एएफसी यू १६ छनोट : अन्तिम खेलमा श्रीलंका पराजित, नेपालको सान्त्वना जित

असोज ६, २०७६ सोमबार ७:४५:४६ | उज्यालो सहकर्मी

एएफसी यू १६ च्याम्पियनसिप छनोटमा नेपालले जितका साथ प्रतियोगिता समाप्त गरेको छ । चार खेलमा २ हार एक जित र एक बराबरी खेलको नेपालले चार अंकका साथ समूहमा चौथो स्थानमा रहदै प्रतियोगिता समाप्त गर्‍यो ।

जोर्डनमा भएको खेलमा नेपालले समूहको अन्तिम खेलमा श्रीलंकालाई तीन–शून्यले हरायो । खेलको ३६ औं मिनेटमा मोहित गुरुङले नेपालका लागि पहिलो गोल गरे । पहिलो हाफमा एक गोलको अग्रता बनाएको नेपालले ६४ औं मिनेटमा दोस्रो गोल थप्यो ।

यसपटक नेपालका लागि अनिल चौलागाईंले गोल गर्न सफल भए । यसअघिको खेलमा चार जना खेलाडी परिवर्तन गरेको नेपालले ८९ औं मिनेटमा तेस्रो गोल थप्यो । नेपालका लागि जान ताम्लीले गोल गरे । उनले कर्नरबाट आएको बललाई हेडबाट पोष्टको दिशा देखाए ।

नेपालले समूह ए को पहिलो खेलमा जोर्डनसँग सात शून्यको हार ब्यहोरेको थियो भने दोस्रो खेलमा कुवेतसँग एक–एक गोलको बराबरी खेलको थियो । यस्तै, तेस्रो खेलमा नेपाल ताजिकिस्तानसँग सात शून्यले नै पराजित भएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्