पर्यटकलाई नेपाली टोपी लगाएर विश्व पर्यटन दिवस मनाइयो

असोज १०, २०७६ शुक्रबार १२:१:२३ | दुर्गा उपाध्याय

कञ्चनपुर – पश्चिमी सीमा नाका हुँदै नेपाल भित्रिने विदेशी पर्यटकलाई नेपाली टोपी लगाएर स्वागत गर्दै शुक्रबार कञ्चनपुरमा ४० औं विश्व पर्यटन दिवस मनाइएको छ ।

गड्डाचौकी नाका हुँदै शुक्रबार प्रवेश गर्ने विदेशी पर्यटकलाई नेपाल पर्यटन बोर्ड पर्यटन सूचना केन्द्र गड्डाचौकीले एक कार्यक्रमको आयोजना गरी स्वागत गरेको हो ।

दिवसका अवसरमा इरानी नागरिक फजिलाट फजेल सेफर इधैनलाई सुदूरपश्चिम प्रदेशका उद्योग, पर्यटन, वन तथा वातावरण राज्यमन्त्री प्रकाश रावलले नेपाली ढाका टोपी, टीका तथा खादा पहिर्‍याएर स्वागत गर्नुभएको थियो ।

कार्यक्रममा बोल्दै राज्यमन्त्री प्रकाश रावलले पर्यटन प्रवर्द्धनका लागि सुदूरपश्चिम प्रदेश सरकारले पाँच वटा कोरीडोर बनाएर अध्ययन सुरु गरेको बताउनुभयो । उहाँले भ्रमण वर्ष सन् २०२० लाई सफल बनाउन सबैले हातेमालो गरेर अगाडि बढ्नु पर्ने बताउनुभयो ।

यता, पर्यटन दिवसका अवसरमा सम्मान गरिएकी इरानी नागरिक फजिलाट फजेल सेफर इधैनले यसबारे आफूलाई केही जानकारी नभएको बताउँदै सम्मान पाएकोमा भने खुशी व्यक्त गर्नुभयो ।

सन् १९९७ को संयुक्त राष्ट्रसंघीय अवधारणा बनेपछि सन् १९८० देखि सेप्टेम्बर २७ का दिन विश्वभर विविध कार्यक्रम गरी विश्व पर्यटन दिवस मनाइँदै आइएको छ ।

अन्तिम अपडेट: कात्तिक २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्