म्यार्दी खोलामा पुल : ३ महिनापछि बेसीशहर–चामे सडकखण्ड पूर्ण रुपमा सञ्चालन

असोज १०, २०७६ शुक्रबार १८:५९:२ | श्यामशितल परियार

लमजुङ – लमजुङ र मनाङको सिमाना म्यार्दी खोलामा ट्रस पुल राखिएको छ । झण्डै ३ महिनाअघि आएको बाढीले म्यार्दीखोलामा बनाइएको बेलिब्रिज बगाएको थियो ।

बेलिब्रिज बगाएसँगै बेसीशहर–चामे सडकखण्ड पूर्ण रुपमा सञ्चालनमा आएको थिएन । पूर्ण रुपमा सडक सञ्चालन नहुँदा स्थानीय र पर्यटकलाई आवत–जवातमा निकै समस्या भएको थियो । मनाङमा खाद्यान्न, तरकारीलगायतका दैनिक उपभोग्य वस्तुको अभाव हुन थालको थियो ।

‘बाढीले पुल बगाएपछि सडक पूर्ण रुपमा नखुल्दा गाडीहरु बीचैमा रोकिएका थिए । आउजाउमा समस्या थियो’, स्थानीय सञ्चारकर्मी नेगम परियारले भन्नुभयो, ‘अहिले म्यार्दी खोलामा ट्रस पुल राखिएसँगै आवत–जावतमा सहज भएको छ । रोकिएका सवारी साधन गन्तव्यतर्फ लागेका छन् ।’ उहाँका अनुसार डिभिजन सडक कार्यालय, दमौलीले म्यार्दी खोलामा ट्रस पुल बनाएको हो ।

म्यार्दी खोलामा पुल बन्नुका साथै म्यार्दी खोलाको मनाङतर्फ पर्ने भागमा खसेको पहिरो नासोङ गाउँपालिकाका जनप्रतिनिधि, नेपाल प्रहरी, नेपाली सेना र स्थानीयको सक्रियतामा हटाएसँगै अहिले बेसीशहर–चामे सडकखण्ड पूर्ण रुपमा सञ्चालनमा आएको सञ्चारकर्मी परियारले बताउनुभयो ।

दोहोरो रुपमा सवारी साधन चलेसँगै आउ–जाउका साथै खाद्यान्न, तरकारीलगायतका दैनिक उपभोग्य वस्तुको आयातमा सहज हुने चामेमा होटल व्यवसाय गर्दै आउनुभएका पूर्णबहादुर गुरुङले बताउनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्