दुबई बस दुर्घटना : ज्यान गुमाउने नेपाली नागरिकको आवश्यक प्रकृयामा दूतावासले सरलीकरण गर्ने

असोज १४, २०७६ मंगलबार ७:५:२४ | उमाकान्त पाण्डे

यूएई – यूएईको दुबईमा भएको बस दुर्घटनामा परि ६ जना नेपाली नागरिकको ज्यान गएको छ । ज्यान गुमाउने सबैको पहिचान पनि खुलेको छ ।

ज्यान जाने नेपालीहरुमा रमेश चौधरी (धनकुटा), दानबहादुर सत्याल (सर्लाही), कृष्णबहादुर पुन मगर (पाल्पा), नारायणप्रसाद पोख्रेल (नवलपरासी), दीपक विक (धरान), नयराम साउद (कैलाली) रहेको कम्पनीले जनाएको छ ।

दुर्घटनामा परेर नेपाली नागरिकको ज्यान गएको जानकारी पाएपछि आबुधाबीमा रहेको नेपाली दुतावासले दु:ख ब्यक्त गर्दै आवश्यक प्रकृया अगाडि बढाएको जनाएको छ । दुतावासकी प्रवक्ता रिता धितालले कम्पनीका सीईओ तथा तथा सम्बन्धित निकायका प्रतिनिधिसँग राजदूत आफैँले समन्वय गरिरहनु भएको जानकारी दिनुभयो ।

दुर्घटनामा परेर ज्यान गुमाउने ६ जना नेपालीको परिवारसँग कम्पनी तथा दुतावास आफैँले समन्वय गर्ने र आवश्यक सबै प्रकृयामा दूतावासले सरलीकरण गर्ने यूएईका लागि कृष्णप्रसाद ढकालले बताउनुभयो ।

फर्स्ट सेक्युरेटी कम्पनीमा काम गर्ने सुरक्षा सेक्युरिटी कामदार बोकेको मिनिबस सोमबार दुबईको शेख मोहमद विन जाहेद सडकमा लरीमा ठोक्किएर दुर्घटना हुँदा ६ जना नेपाली नागरिकसहित ८ जनाको ज्यान गएको हो । ज्यान जानेमा एक पाकिस्तानी नागरिक र एक भारतीय नागरिक रहेका छन् ।

दुबई प्रहरीका अनुसार घाइतेमध्ये ५ भारतीय र एक जना बंगलादेशी नागरिक छन् । घाइतेमध्ये ४ जनाको अवस्था गम्भीर रहेको र सबैलाई उपचारको लागि दुबईमा रहेको अल रसिद अस्पतालमा पुर्‍याइएको छ ।

कम्पनीको काममा जान कामदारलाई मरर्दिफ सिटी सेन्टरबाट सारजाहातर्फ लैजाँदै गर्दा दुर्घटना भएको हो।

सम्बन्धित समाचार

दुबई बस दुर्घटनामा परि ज्यान गुमाउने नेपाली नागरिकको संख्या ६ पुग्यो

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्