काठमाण्डाै - फिफा विश्वकप छनोटअन्तर्गत अष्ट्रेलियाविरुद्धको खेलका लागि नेपाली टिमको घोषणा भएको छ । जसमा यसपटक चाइनिज ताइपेईविरुद्ध खेलेकाे टाेलीमा २ खेलाडी परिवर्तन गरिएको छ ।

अखिल नेपाल फुटबल संघले मंगलबार सार्वजनिक गरेको खेलाडीको सूचीमा यसअघि घाइते भएका नवयुग श्रेष्ठ र अजित भण्डारी टिममा फर्किएका छन् । नेपाली टिम यस्तै रहेको छ ।

गोलकिपर : किरण चेम्जोङ, विकेश कुथु, विशाल श्रेष्ठ

डिफेन्डर : सरोज दाहाल, अजित भण्डारी, दिनेश राजवंशी, अनन्त तामाङ, देवेन्द्र तामाङ, रजिन धिमाल, सुमन अर्याल

मिडफिल्डर : सुनील बल, रवि पासवान, अञ्जन विष्ट, सुजल श्रेष्ठ, हेमन गुरुङ, विक्रम लामा, तेज तामाङ, सन्तोष तामाङ, विशाल राई र रोहित चन्द

स्ट्राइकर : विमल घर्ती मगर, अभिशेक रिजाल, नवयुग श्रेष्ठ

यसपटक पनि टिममा पूर्व कप्तान विराज महर्जनलाई स्थान दिइएन । नवयुग श्रेष्ठ ताइपेईविरुद्धको खेलमा स्वास्थ्यका कारण आराम गरेका थिए । अष्ट्रेलिया जानका लागि स्ट्राइकर विमल घर्ती मगर नेपाल फर्किसकेका छन् भने रोहितले इन्डोनेसियाबाट नै सिड्नी प्रस्थान गर्ने बताइएको छ ।

नेपाली टिम बुधबार अष्ट्रेलिया प्रस्थान गर्नेछ ।नेपालको कप्तानी किरण चेम्जोङले नै गर्नेछन । नेपालले अक्टोबर १० तारिखमा अष्ट्रेलिया विरुद्ध क्यानबेरामा खेल्नेछ । त्यसको ५ दिनपछि नेपाली टिमले जोर्डनसँग  उसकै मैदानमा प्रतिस्पर्धा गर्नेछ ।