पाटे बाघको आक्रमणबाट ज्यान गुमाएकाका परिवारलाई राहत प्रदान

असोज १५, २०७६ बुधबार २०:५२:२६ | भावुक योगी

बर्दिया - पाटे बाघको आक्रमणबाट ज्यान गुमाएकाका परिवारलाई बर्दिया राष्ट्रिय निकुञ्जले १० लाख रुपैयाँ राहत प्रदान गरेको छ ।

ठाकुरबाबा नगरपालिका-१, भुरिगाउँका पहरिया थारू र गेरुवा गाउँपालिका-४ की रामकली शाहीका परिवारलाई बर्दिया राष्ट्रिय निकुञ्जका प्रमुख संरक्षण अधिकृत अणनाथ बराल, ठाकुरबाबा नगरपालिकाका नगरप्रमुख घननारायण श्रेष्ठ, श्रीरामनगर उपभोक्ता समितिका अध्यक्ष जनार्दन योगीलगायतको उपस्थितिमा राहत रकम प्रदान गरिएको हो ।

यसअघि मृतक पहरिया थारुका परिवारलाई काजकिरिया बापत निकुञ्जले ५० हजार रुपैयाँ प्रदान गरेको थियो । यस्तै वन्यजन्तुबाट ज्यान गुमाएका परिवारलाई राहत स्वरुप हाम्रो मध्यवर्ती साकोसबाट १० हजार रुपैयाँ र ठाकुरबाबा नगरपालिकाबाट १० हजार रुपैयाँ समेत प्रदान गरिएको थियो ।

वन्यजन्तुहरु गाउँ पसेर स्थानीयको ज्यान लिएमा नेपाल सरकारले १० लाख रुपैयाँ राहतस्वरुप प्रदान गर्दै आएको छ । गएकाे भदौ ८ गते भुरिगाउँमा रहेकाे करेसाबारीमा बंगुरलाई चारो राख्न गएका बेला ७० वर्षीया पहरिया थारूलाघ पाटे बाघले आक्रमण गर्दा ज्यान गएको थियो ।

घटनापछि बाघलाई डार्टगन (लठ्याउने सुई) प्रयाेग नियन्त्रणमा लिइएको थियो । गेरुवा गाउँपालिका-४ मा आक्रमण गरी रामकली शाहीकाे ज्यान लिने पाटे बाघलाई भने निकुञ्जको प्राविधिक टोलीले अहिलेसम्म् पनि नियन्त्रणमा लिन सकेको छैन ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्