लमजुङमा यात्रुसँग बढी भाडा लिने १७ ओटा गाडी कारबाहीमा

असोज १६, २०७६ बिहीबार १३:५७:१२ | श्यामशितल परियार

लमजुङ - लमजुङमा यात्रुसँग बढी भाडा लिने १७ गाडीहरु कारबाहीमा परेका छन् । काठमाण्डाै, पोखरा र चितवनबाट लमजुङ भित्रिएका यात्रुसँग तोकिएभन्दा बढी भाडा लिने १७ गाडीहरु कारबाहीमा परेका हुन् ।

प्रहरीका अनुसार तोकिएभन्दा बढी भाडा लिएर कारबाहीमा पर्नेमा बस, माइक्रो बस र डिलक्स रहेका छन् ।

इलाका प्रहरी कार्यालय, ट्राफिक प्रहरीले बुधबार गरेको जाँचका क्रममा बढी भाडा लिने सवारीलाई कार्वाही गरिएको इलाका प्रहरी कार्यालय, भोटेओडारका प्रमुख, प्रहरी निरीक्षक राजेन्द्र थापाले जानकारी दिनुभयो ।

उहाँका अनुसार जाँचका क्रममा ३ वटा सवारी पाउँदी र १४ वटा सवारी भोटेओडार बगैँचामा कारबाहीमा परेका हुन् । बढी भाडा लिने गाडीलाई सवारी ऐनअनुसार जरिबाना गराइएको छ ।

‘बढी भाडा लिने गाडीलाई एक-एक हजार रुपैयाँ जरिबाना गराइएको छ । जरिबानाबाट १७ हजार राजश्व संकलन भएको छ,’ प्रहरी निरीक्षक थापाले भन्नुभयो ।

उहाँका अनुसार यात्रुबाट बढी लिइएको भाडा ५७ हजार ४ सय रुपैयाँ सम्बन्धित यात्रुहरुलाई फिर्ता गराइएको छ ।

प्रहरीका अनुसार काठमाण्डौ बेसीशहरको बस भाडा प्रति यात्रु ४ सय रुपैयाँ, माइक्रो बसको ४ सय ६० रुपैयाँ र सुपर डिलक्स बसको भाडा ५ सय ५० रुपैयाँ निर्धारण गरिएको छ । तर यात्रुवाहक गाडीले तोकिएभन्दा बढी ६ सय देखी ८ सय रुपैयाँसम्म बस भाडा असुलेकाे गुनासो आएसँगै प्रहरीले जाँच गरेको हो ।

यसैगरी, यात्रुहरु नठगिउन् र यात्रा सहज हाेस् भन्ने हेतुले प्रहरीले लमजुङको प्रवेशद्धार पाउँदी र भोटेओडार बगैँचामा ‘नागरिक तथा यात्रु हेल्प डेस्क’ खडा गरेको छ ।

पाउँदीको हेल्प डेस्कमा एक जना असई, एक जना ट्राफिक जवान र भोटेओडार बगैँचामा एक जना प्रहरी हवल्दार तथा एक जना ट्राफिक हवल्दार खटिएका छन् ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्