युरोकप छनोट : बेल्जियमको फराकिलो जित

असोज २४, २०७६ शुक्रबार ७:३३:२८ | उज्यालो सहकर्मी

युरोकप छनोट अन्तर्गत बिहीबार राति भएको खेलमा बेल्जियमले सानमारिनोमाथि ९–० गोल अन्तरको फराकिलो जित निकालेको छ ।

समूह आई मा रहेको बेल्जियममा जारी छनोटको लगातार सातौं जित पनि हो । २१ अंकसहित शीर्ष स्थानमा रहेको बेल्जियम युरोकपका लागि छनोट पनि भएको छ । दोस्रो स्थानमा रहेको रुसको १८ अंक छ भने तेस्रो स्थानमा रहेको साईप्रसको १० अंक रहेको छ ।

बिहीबार राति बेल्जियमम सानमारिनो माथि ९–० को जीत दर्ता गर्दा रोमेलो लुकाकुले २ गोल गरेका थिए । लुकाकुले २८ औं र ४१ औं मिनेटमा व्यक्तिगत २ गोल गरेका हुन् ।

नसार चाड्लीले ३१ औं मिनेटमा गोल गर्दा सानमारिनोका क्रिष्टियन ब्रोलीले ३५ औं मिनेटमा आत्मघाति गोल गरेका थिए । ४६ औं मिनेटमा युरी टाइलमेनले गोल गर्दै पहिलो हाफमा ६–० को अग्रता दिलाएका थिए । दोस्रो हाफमा बेल्जियमले तीन गोल थपेको थियो ।

७९ औं मिनेटमा क्रिष्टिन बेनटेकले गोल गर्दै ७–० को अग्रता दिलाउँदा यारी भर्सेकेनले पेनाल्टीमार्फत ८४ औं मिनेटमा बेल्जियमका लागि ८ औं गोल गरे । ९० औं मिनेटमा टिमोटीले गोल थप्दै ९–० को जित दिलाए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्