स्पेनिस कप्तान रामोस युरोपकै अनुभवी खेलाडी

असोज २६, २०७६ आइतबार ७:५१:२३ | उज्यालो सहकर्मी

युरो छनोटमा नर्वेविरुद्धको खेलसँगै स्पेनिस कप्तान सर्जियो रामोस समकालीन खेलाडीमध्ये युरोपकै अनुभवी बनेका छन् ।

उनी स्पेनको मात्र होइन अहिले खेलिरहेका खेलाडीमध्ये युरोपमै सबैभन्दा धेरै क्याप जित्ने पुरुष खेलाडी बनेका छन् । नर्वेसँग १-१ गोलको बराबरीमा सकिएको खेलमा रामोसले स्पेनका लागि कीर्तिमानी १६८ औं क्याप पूरा गरे ।

यसअघि विश्व विजेता गोलरक्षक तथा कप्तान इकर कासिलासको कीर्तिमान रामोसले तोडेका हुन् । नर्वेसँगको बराबरीपछि स्पेन पनि अर्को वर्ष हुने युरोकपको छनोट नजिक पुगेको छ ।

दोस्रो हाफको सुरुमै साउल निगुजले गोल गरी स्पेनलाई अग्रता दिलाएका थिए । तर, खेलको इन्ज्यूरी समयमा जस किंगले पेनाल्टीमार्फत नर्वेका लागि बराबरी गोल गरेका थिए । यो बराबरीले स्पेनको शतप्रतिशत नतिजा यात्रामा पूर्णविराम लागेको छ ।

समूह एफमा स्पेनको ७ खेलबाट १८ अंक भएको छ । समान खेलबाट स्वीडेनको १४, रोमानियाको १३ र नर्वेको १० अंक छ । एक जित निकालेको माल्टा र अहिलेसम्म जितबिहीन फारो आइल्यान्ड प्रतियोगिताबाट बाहिरिने निश्चित भइसकेको छ ।

'ब्यक्तिगत सफलता केहि हदसम्म गौण हुन्छ,' खेल सकिएपछि कप्तान रामोसले भनेका छन्, 'यदी टिमले जित्न सकेको भए मैले मेरो सफलतामा पनि खुसियाली मनाउने थिएँ, त्यस्तो भएन । यति लामो समयपछि कीर्तिमान बन्नु मेरा लागि शानदार पुरस्कार हो । यो गर्वको श्रोत हो ।'

'म हरेक समय यो जर्सी लगाउँदा भावुक हुन्छु । र यो क्रम कहिल्यै रोकिने छैन । म चाहन्छुले आगामी धेरै वर्ष मैले यही जर्सी लगाएर मैदानमा निरन्तर खेल्न सकूँ,' उनले थपे ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्