साफ यू-१५ महिला च्याम्पियनिसप : भुटानसँग नेपालकाे बराबरी

असोज २६, २०७६ आइतबार २०:४२:५५ | उज्यालो सहकर्मी

भुटानमा जारी यू-१५ महिला साफ च्याम्पियनिसिप फुटबलमा नेपाल र भुटानले एक-एक गोलको बराबरी खेलेका छन् ।

नेपाल यसअघि नै प्रतियोगितबाट बाहिरिएकाले आइतबार खेल प्रतिष्ठाको लडाइँको रुपमा हेरिएको थियो । पहिलो खेलमा भारतसँग पराजित भएको नेपाल दोस्रो खेलमा बंगलादेशसँग पनि पराजित भएको थियो ।

उपाधिका लागि भारत र बंगलादेशले प्रतिस्पर्धा गर्ने छन् । पहिलो हाफमा दुवै टिमले एक अर्काविरुद्ध आकर्षक मुभ बनाए पनि गोल गर्न असफल भएका थिए । पहिलो हाफ गोलरहित बराबरीमा सकिएकोमा दुवै टिमले दोस्रो हाफमा एक-एक गोल गरेका थिए ।

५० औं मिनेटमा नेपालले गोल गर्दै अग्रता हासिल गरेको थियो । नेपालका लागि निकिता थोकरले गोल गरेकी हुन् । १ गोलले पछि परेको घरेलु टोली भुटानले ६८ औं मिनेटमा बराबरी गोल गरेको थियो । कप्तान नेकी लाजोमले गोल गर्दै भुटानलाई बराबरी गराएकी हुन् ।

खेलको अन्त्यतिर दुवै टिमले आक्रामक फुटबल खेले पनि गोल गर्न भने असफल भए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्